தனித்து சுற்றுலா செல்லும் பெண்கள்; தமிழகத்துக்கு நான்காவது இடம்

ஐதராபாத்:
கல்வி மற்றும் வேலைக்காக நாட்டின் எந்தப் பகுதிக்கும்
பெண்கள் சென்று வரும் நிலையில், தற்போது, தனியாக
சுற்றுலா செல்வதில் தென் மாநில பெண்கள், முக்கிய இடத்தை
பிடித்துள்ளனர்.

மத்திய புள்ளியியல் திட்ட அமலாக்க அமைச்சகம் வெளியிட்ட
அறிக்கையில் கூறியிருப்பதாவது: தனித்து சுற்றுலா செல்வதில்,
பஞ்சாப் மாநில பெண்கள், 66 சதவீதத்துடன் முதலிடத்தையும்;
தெலுங்கானா பெண்கள், 60 சதவீதத்துடன் இரண்டாமிடத்தையும்;
கேரளா பெண்கள், 58 சதவீதத்துடன், மூன்றாவது இடத்தையும்;
தமிழக பெண்கள், 55 சதவீதத்துடன், நான்காவது இடத்தையும்
பிடித்துள்ளனர்.

தெலுங்கானா மாநில பெண்கள் எந்த சுற்றுலா நிறுவனத்தையும்
அணுகாமல், தாங்களாகவே சென்று வருகின்றனர். ஷாப்பிங்,
விடுமுறைக்காக மட்டும் அல்லாமல் சுகாதாரம் மற்றும் மருத்துவ
சிகிச்சைகளுக்கும் தனியாக சென்று வருகின்றனர்.

தென் மாநிலத்தில் வசிப்போர், பரந்த மனப்பான்மையுடன்
இருப்பதால், பெண்கள் தனியாக சுற்றுலா செல்வதை, அவர்களின்
குடும்பத்தினர் தயக்கமின்றி அனுமதிப்பதாக, சுற்றுலா
ஏற்பாட்டாளர்கள் கூறுகின்றனர்.
–
——————————————-
தினமலர்