10 லட்சம் ரீசார்ஜ் மையங்கள் அமைக்கிறது ரிலையன்ஸ் ஜியோ

ரிலையன்ஸ் ஜியோ இன்ஃபோகாம் நாடு தழுவிய அளவில் 10 லட்சம் ரீசார்ஜ் மையங்களையும், 5 லட்சம் ஆக்டிவேஷன் மையங்களையும் அமைத்து வருகிறது.

பார்தி ஏர்டெல், வோடாஃபோன் நிறுவனங்களின் வரிசையில் ரிலையன்ஸ் ஜியோவும் 4 ஜி சேவையில் விரைவில் களமிறங்க உள்ளது.

4ஜி சேவையில் களமிறங்க வசதியாக விற்பனை மற்றும் விநியோகத் தொடர்புகளை அதிகரிக்கும் வகையில் 50 லட்சம் ஆக்டிவேஷன் மையங்களையும், 10 லட்சம் ரீசார்ஜ் மையங்களையும் ரிலையன்ஸ் ஜியோ அமைத்து வருகிறது. இவை அனைத்தும், நாடு முழுவதிலும் உள்ள 1,072 ஜியோ அலுவலகங்களுடன் எப்போதும் தொடர்பில் இருக்கும் என்று ரிலையன்ஸ் இண்டஸ்ட்ரீஸ் தனது ஆண்டு அறிக்கையில் தெரிவித்துள்ளது.

தற்போது இந்தியாவில் மொபைல் பிராட்பேண்ட் பரவலாக்கம் 15 சதவீதமாகவும், அமெரிக்காவில் இது 75 சதவீதமாகவும் உள்ளது. ரிலையன்ஸ் ஜியோ வரவுக்குப் பிறகு மொபைல் பிராட்பேண்ட் பரவலாக்கம் 70 சதவீதமாகவும், அடுத்த ஓராண்டில் 90 சதவீதமாகவும் அதிகரிக்கும் என்று ரிலையன்ஸ் ஜியோவின் தாய்நிறுவமான ரிலையன்ஸ் இண்டஸ்ட்ரீஸ் தெரிவித்துள்ளது.

இதையடுத்து, உலக அளவில் இணையதள பயன்பாட்டில் தற்போது 155-ஆவது இடத்தில் உள்ள இந்தியா, முதல் 10 நாடுகளுக்குள் முன்னேறும் என்று தெரிவிக்கப்பட்டுள்ளது.

–
தினமணி

வரவேற்போம்