கூடங்குளம் முதல் உலை நாட்டுக்கு இன்று அர்ப்பணிப்பு

திருநெல்வேலி :
கூடங்குளம் முதலாவது அணு உலை நாட்டுக்கு
இன்று(ஆக.,10) அர்ப்பணிக்கப்படுகிறது.
பிரதமர் நரேந்திர மோடி, ரஷிய அதிபர் புதின்,
தமிழக முதல்வர் ஜெயலலிதா ஆகியோர்
‛வீடியோ கான்பரன்சிங்’ மூலம் இதில் பங்கேற்கின்றனர்.
திருநெல்வேலி மாவட்டம், கூடங்குளத்தில் தலா
1,000 மெகாவாட் உற்பத்தித் திறன் கொண்ட இரு அணு
உலைகள் உள்ளன.

இதில், முதல் அணுஉலை நாட்டுக்கு இன்று அர்ப்பணிக்கப்
படுகிறது. இன்று மாலை 3.30 மணிக்கு நடைபெறும் நிகழ்ச்சியில்
‛வீடியோ கான்பரன்சிங்’ மூலம் ரஷ்ய அதிபர் விளாதிமிர் புதின்,
இந்திய பிரதமர் நரேந்திர மோடி, தமிழக முதல்வர் ஜெயலலிதா
ஆகியோர், முதல் உலையை நாட்டுக்கு அர்ப்பணிக்கவுள்ளனர்.

இது ரஷ்ய தலைநகர் மாஸ்கோ, புதுடில்லி, சென்னை, கூடங்குளம்
அணுமின் நிலையம் என 4 இடங்களில் இருந்து நேரடி ஒளிபரப்பு
செய்யப்படுகிறது.

கூடங்குளம் முதலாவது அணு உலையில், இதுவரை 1,070 கோடி
யூனிட் மின்சாரம் உற்பத்தி செய்யப்பட்டுள்ளது. முதல் உலையில்
உற்பத்தியாகும் 1,000 மெகாவாட் மின்சாரத்தில், தமிழகத்துக்கு
562.50 மெகாவாட், கர்நாடகத்துக்கு 221, கேரளாவுக்கு 122,
புதுச்சேரிக்கு 33.50, ஆந்திராவுக்கு 50 மெகாவாட் என பிரித்து
வழங்கப்படுகிறது.
–
———————————
தினமலர்