புத்தகங்கள் நல்ல நண்பனுக்கு அடையாளம்

சென்னை எத்திராஜ் பெண்கள் கல்லூரியின் சார்பில்
வியாழக்கிழமை நடைபெற்ற நூலக விழாவில்,
புத்தகக் கண்காட்சியைத் தொடக்கிவைத்து அவர்
பேசியதாவது:-

நூல்கள் படிக்கும் பழக்கத்தை ஏற்படுத்தவும், அது பற்றிய
விழிப்புணர்வு ஏற்படுத்தும் நோக்கத்திலும் நூலக விழா
ஆண்டுதோறும் நடத்தப்படுகிறது.

தற்போதைய நிலையில் வெற்றி பெற்றவர்களின் நூல்களை
படிப்பதிலேயே ஆர்வம் காட்டுகின்றனர். அந்த
சாதனையாளர்கள் வெற்றி பெறுவதற்கு முன்பாக எந்த
அளவுக்கு தோல்வியைத் தழுவினார்கள் என்பதையும் அறிய
வேண்டும்.

ஒவ்வொரு புத்தகத்திலும் கல்வி, வாழ்க்கைக்குத் தேவையான
தகவல்கள் அடங்கியுள்ளன. அதனால்தான் புத்தகங்களை
நல்ல நண்பனுக்கு அடையாளமாகக் குறிப்பிடுகின்றனர்.

இதுபோன்ற புத்தகங்களை நாள்தோறும் படிக்கும் பழக்கத்தை
ஏற்படுத்திக் கொண்டால், தங்களது அறிவுத் திறமையையும்
வளர்த்துக் கொள்ள வேண்டும்.

பிறந்த நாளின்போது புத்தகங்களை பரிசாகப் பெற்று, ஒவ்வொரு
இல்லத்திலும் சிறு நூலகத்தை ஏற்படுத்திக் கொள்ள முன்வர
வேண்டும் என்றார்.

கண்காட்சியில் 10-க்கும் மேற்பட்ட பதிப்பகங்களைச் சேர்ந்தோர்
வரலாறு, இலக்கியம் உள்ளிட்ட பல்வேறு தலைப்புகளில்
1 லட்சத்துக்கும் மேற்பட்ட நூல்களை வைத்திருந்தனர்.

மேலும், “”பெருகிவிட்ட தகவல் தொழில்நுட்பம் இளைஞர்களின்
முன்னேற்றத்திற்கு தடையே, துணையே” எனும் தலைப்பிலான
சிறப்பு பட்டி மன்றம் நடைபெற்றது.
–
விழாவுக்கு கல்லூரி முதல்வர் நிர்மலா தலைமை வகித்தார்.
———————————-
தினமணி