சேவல் விலை ரூ.42 ஆயிரம் திண்டுக்கல்லில் கண்காட்சி

by rammalar Tue Sep 13, 2016 5:33 pm

[img]

சேவல் விலை ரூ.42 ஆயிரம் திண்டுக்கல்லில் கண்காட்சி A41s07

[/img]
-

-
திண்டுக்கல்:திண்டுக்கல்லில் கிளி மூக்கு, விசிறி வால் சேவல் கண்காட்சியில் இலங்கை, குவைத்தை சேர்ந்தவர்கள் பங்கேற்றனர். இதில் ஒரு சேவல் ரூ.4௨ ஆயிரத்துக்கு விற்பனை செய்யப்பட்டது.

திண்டுக்கல்- வத்தலக்குண்டு ரோட்டில் கிளிமூக்கு, விசிறி வால் சேவல் காண்காட்சி நடந்தது. இதில் மயில்கருப்பு, பொன்நிறம், சித்திரப்புள்ளி, பல புள்ளி, காகம், பூடி, வெள்ளை உட்பட பல ரகங்களில் 125 சேவல்கள் பங்கேற்றன.

சேவல் விலை ரூ.4௨ ஆயிரம்: கண்காட்சியில் ஆந்திராவை சேர்ந்த தொழில் அதிபர் கே.வி.ரெட்டி, மயில் நிறமுடைய ஒரு சேவலை ரூ.4௨ ஆயிரத்துக்கு வாங்கினார். சேவல்களின் ஆரோக்கியம், நிறம், மூக்கு, வால், கொண்டை அழகு அடிப்படையில் 10 சேவல்கள் தேர்வு செய்யப்பட்டு ஒரு கிராம் தங்க காசும், 10 சேவல்களுக்கு வெள்ளி காசுகளும் என 20 சேவல்களுக்கு பரிசு வழங்கப்பட்டது.

திண்டுக்கல் சேவல் வளப்போர் சங்க தலைவர் கவுரிசங்கர், துணை தலைவர் சுல்தான்
கூறியதாவது:திண்டுக்கல்லில் 2வது ஆண்டாக சேவல் கண்காட்சியை நடத்தி வருகிறோம். கிளி மூக்கு, விசிறி வால்சேவல் இனத்தை முன்பு சண்டைக்கு பயன்படுத்தியதால் இந்த இனம் அழிவின் விளிம்பிற்கு சென்றது. இந்த இனத்தை அழியாமல் காப்பாற்ற தொடர்ந்து கண்காட்சி நடத்துகிறோம்.

இந்த வகை சேவல்களை அழகிற்காக வெளிநாடுகளில் வளர்க்கின்றனர். வெளிநாட்டுக்கு சேவல்களை கொண்டு செல்ல முடியாது என்பதால், விசிறிவால் சேவல் முட்டைகளை மட்டும் எடுத்துச் சென்று பொறிக்க வைக்கின்றனர். இந்த வகை சேவலுக்கு வெளிநாடுகளில் நல்ல
வரவேற்புள்ளது. இந்த சேவல் சிலவற்றை ரூ.1 லட்சம் வரை பலர் ‘ஆர்டர்’ கேட்டுள்ளனர்,
என்றனர்.
-
தினமலர்