நவராத்திரி கன்னிகைகளும் பூஜா பலன்களும்!

[img][/img]
-
நவராத்திரி கொண்டாடும் ஒன்பது நாட்களும்
பெண் குழந்தைகளுக்கு சந்தனம், பூ, ஆடை,
வளையல், மருதாணி முதலியவை தந்து உணவிட்டு
உபசரித்து பூஜிக்க, எண்ணற்ற் நன்மைகள்
நம் குடும்பத்துக்கு ஏற்படும்.

முதல் நாள், ஒரு வயது பெண் குழந்தையை குமாரியாக
பூஜிக்க ஆயுள் விருத்தியாகும்.
2ம் நாள் இரண்டு வயது பெண் குழந்தையை திருமூர்த்தியாக
பூஜிக்க தனதான்ய விருத்தி உண்டாகும்.
மூன்றாம் நாள், மூன்று வயதுப் பெண்ணை கல்யாணியாகப்
பூஜிக்க கல்வியில் வெற்றி ஏற்படும்.

நான்காம் நாள், நான்கு வயது பெண்ணை ரோஹிணியாக
பூஜிக்க வியாதிகள் அகலும்,
ஐந்தாம் நாள், ஐந்து வயது பெண்ணை காளியாகப் பூஜிக்க
பகை அழியும்.

ஆறாம் நாள், ஆறு வயது பெண்ணை சண்டிகையாக பூஜிக்க
செல்வம் சேரும்.

ஏழாம் நாள் ஏழு வயது பெண்ணை சாம்பவியாக பூஜிக்க
வெற்றி கிடைக்கும்.

எட்டாம் நாள் எட்டு வயது பெண்ணை துர்கையாக பூஜிக்க
செய்ய முடியாத காரியங்கள் பலிதமாகும்.

ஒன்பதாம் நாள், ஒன்பது வயது பெண்ணை சுபத்திரையாக
பூஜிக்க மங்களம் உண்டாகும். மன அமைதி கிட்டும்,
சௌபாக்யங்கள் கூடும்.
-
-------------------------
– சியாமளா ராஜகோபால், சிட்லபாக்கம்.
மங்கையர் மலர்