ஜப்பான் விஞ்ஞானிக்கு நோபல் பரிசு

[img][/img]
-
நிகழாண்டில் மருத்துவத்துக்கான நோபல் பரிசுக்கு
ஜப்பானைச் சேர்ந்த உயிரணுவியல் விஞ்ஞானி
யோஷினோரி ஓசுமி தேர்ந்தெடுக்கப்பட்டுள்ளார்.
–

-
பழுதடைந்த உயிரணுக்கள் தம்மைத் தாமே அழித்து
சுத்தம் செய்துகொள்ளும், “ஆட்டோஃபஜி’ என்று
அழைக்கப்படும் “சுய துப்பரவு’ செயல்நுட்பம் குறித்த
ஆய்வுகளுக்காக அவருக்கு நோபல் பரிசு வழங்கப்
படுவதாக நோபல் தேர்வுக் குழு தெரிவித்துள்ளது.
–
இதுகுறித்து அந்தக் குழு திங்கள்கிழமை கூறியதாவது:
–
உயிரிணுக்களின் சுய துப்பரவு செயல்நுட்பம் குறித்து
மிகக் குறைவாகவே அறியப்பட்டிருந்த நிலையில்,
1990-ஆம் ஆண்டுகளின் தொடக்கத்தில் அதுகுறித்து
யோஷினோரி ஓசுமி பல்வேறு அபாரமான ஆய்வுகளை
மேற்கொண்டார்.
–
ரொட்டி தயாரிப்பதற்குப் பயன்படும் நொதிகளை (யீஸ்ட்)
மட்டுமே வைத்து, உயிரணு சுய துப்பரவுச் செயலுக்குக்
காரணமான மரபணுக்களை அவர் கண்டுபிடித்தார்.
–
நொதிகளின் உயிரணுக்கள் பயன்படுத்தும் சுய துப்பரவு
செயல்நுட்பத்தையே, மனிதர்களின் உடலில் உள்ள
உயிரணுக்களும் பயன்படுத்துகின்றன என்பதையும் அவர்
ஆய்வின் மூலம் விளக்கினார்.
–
உயிரணுக்கள் தம்மைத் தாமே எவ்வாறு சுத்தம் செய்து
கொள்கின்றன என்பது குறித்த உயிரியலில், யோஷினோரி
ஓசுமியின் கண்டுபிடிப்புகள் புதிய கோட்பாடுகளை
வகுத்துள்ளன.
–
உயிரணுக்களின் சுய துப்பரவுப் பணிகள் பாதிக்கப்பட்டால்,
அது புற்றுநோய் மற்றும் நரம்பியல் நோய்களுக்குக்
காரணமாகிறது.
–
யோஷினோரி ஓசுமியின் கண்டுபிடிப்புகள் அத்தகைய
நோய்களுக்கு எதிரான மருத்துவத்துக்கு உதவும் என்று
நோபல் தேர்வுக் குழு தெரிவித்தது.
–
மருத்துவப் பிரிவில், கடந்த ஆண்டுக்கான நோபல் பரிசு
சீனாவைச் சேர்ந்த யூயூ தூ, அயர்லாந்தில் பிறந்த அமெரிக்கர்
வில்லியம் கேம்பெல், ஜப்பானைச் சேர்ந்த சதோஷி ஒமுரா
ஆகியோருக்குப் பகிர்ந்து வழங்கப்பட்டது.
–

நோபல் பரிசு 1901-ஆம் ஆண்டு முதல் வழங்கப்பட்டு
வருகிறது. இப்பரிசை உருவாக்கிய ஆல்பிரட் நோபல்,
ஸ்வீடனைச் சேர்ந்தவர். 1833-ஆம் ஆண்டு பிறந்த அவர்,
வேதியியல், பொறியியல் ஆகியவற்றில் நிபுணத்துவம்
பெற்றவராகத் திகழ்ந்தார்.
–
டைனமட் வெடிபொருளைக் கண்டுபிடித்ததுடன், பெரிய
வெடிபொருள் நிறுவனத்தையும் நடத்தி வந்தார்.
–
தனது கடைசி உயில் முலம் பல கோடி ரூபாய் மதிப்புள்ள
சொத்துகளைக் கொண்டு நோபல் பரிசை நிறுவினார்.
அவரது நினைவு தினமான டிசம்பர் 10-ஆம் தேதி நோபல்
பரிசுகள் வழங்கப்படுகின்றன.
–
அமைதிக்கான நோபல் பரிசு மட்டும் நார்வேயிலும், இயற்பியல்,
வேதியியல், இலக்கியம், மருத்துவம், பொருளாதாரம் ஆகிய மற்ற
பிரிவுகளுக்கான நோபல் பரிசுகள் ஸ்வீடனிலும்
வழங்கப்படுகின்றன.
–
யோஷினோரி ஓசுமி (71)
–
டோக்கியோ பல்கலைக்கழகத்தில் கடந்த 1974-ஆம் ஆண்டு
ஆய்வாளர் பட்டம் பெற்றார்.
தற்போது டோக்கியோ தொழில்நுட்பக் கழகத்தில்
பேராசிரியராகப் பணியாற்றி வருகிறார்.
நோபல் பரிசுடன் அவருக்கு 9.36 லட்சம் டாலர் (சுமார் ரூ.6.2 கோடி)
பரிசுத் தொகை வழங்கப்படும்.
–
———————————————
தினமணி