ரயில்களில் வெளிநாட்டு முதியோருக்கு கட்டணச் சலுகை ரத்து

வெளிநாடுகளைச் சேர்ந்த முதியோருக்கு ரயில்
கட்டணத்தில் சலுகை வழங்கப்பட்டு வரும் நடைமுறை
ரத்து செய்யப்பட்டுள்ளது. இந்தப் புதிய முறையானது

கடந்த மாதம் 29-ஆம் தேதி முதல் அமலுக்கு வந்துள்ளதாக
ரயில்வே வாரியம் அறிவித்துள்ளது.

ரயில் சேவையில் முதியவர்கள், விளையாட்டு வீரர்கள்,
மாற்றுத் திறனாளிகள் உள்ளிட்டோருக்கு கட்டணச்
சலுகைகள் அளிக்கப்பட்டு வருகின்றன.

ஆண்டொன்றுக்கு ரூ.1,400 கோடி அளவுக்கு பயணக்
கட்டணத்தில் அவர்களுக்கு சலுகைகள் வழங்கப்
படுகின்றன. அதில் அதிகமாக பயன்பெறுவோராக
முதியோர்கள் உள்ளனர்.

60 வயதுக்கு மேற்பட்ட ஆண்களுக்கு 40 சதவீதமும்,
58 வயதுக்கு மேற்பட்ட பெண்களுக்கு 50 சதவீதமும்
பயணக் கட்டணத்தில் சலுகை அளிக்கப்படுகிறது.

வெளிநாட்டினருக்கும், வெளிநாடு வாழ் இந்தியர்களுக்கும்
இந்தச் சலுகை வழங்கப்பட்டு வந்தது. இதன் மூலம்
ஆண்டுக்கு சுமார் ரூ.1,200 கோடி ரயில்வே வாரியத்துக்கு
இழப்பு ஏற்படுகிறது.

இந்நிலையில், வெளிநாட்டைச் சேர்ந்த முதியோருக்கு
இனி ரயில் கட்டணச் சலுகை கிடையாது என்று
அறிவிக்கப்பட்டுள்ளது. இதற்கான அறிவிக்கையை
ரயில்வே வாரியம் அண்மையில் வெளியிட்டுள்ளது.
–
—————————————-
தினமணி