விஜயதசமியின் விசேஷம்

-
அன்னை சாமுண்டீஸ்வரி மகிஷாசுரனுடன் ஒன்பது
நாள் போரிட்டு, பத்தாம் நாளான விஜய தசமியன்று
வதைத்தாள் என்று தேவி மகாத்மியம் கூறுகிறது.

பண்டாசுரனான மன்மதனோடு, அன்னை
லலிதா பரமேஸ்வரி ஒன்பது நாள் போரிட்டு, பத்தாம்
நாளான விஜயதசமியன்று அவனை வதம் செய்து
வாகை சூடினாள் என லலிதா உபாக்கியானம்
சொல்கிறது.

அன்னை அதர்மத்தை வென்று தர்மத்தை நிலை
நாட்டினாள் என்பதே இதன் கருத்து.

விஜயதசமி நாளில் தான் மராட்டிய மன்னன் சத்ரபதி சிவாஜி,
இந்து தர்மத்தை காக்க அன்னை பவானீஸ்வரியின் முன்பு
உறுதி எடுத்துக் கொண்டு புறப்பட்டார் என்பது வரலாறு.

விஜயதசமியன்று வன்னிமரத்தை வழிபடுவது மிகவும்
சிறப்பாகும். திருமால் கோயில்களில் சுவாமி குதிரை
வாகனத்தில் எழுந்தருளி வன்னிமரத்தைச் சுற்றும் வழக்கம்
இன்றும் இருந்து வருகிறது.
-
நவராத்திரியின் கடைசி நாளில் முப்பெருந் தேவியர் ஒன்றாய்
இணைந்து சிவ சக்தியாய்க் காட்சி தருகிறாள். இதை
விஜயதசமி என்று மகா சக்தியின் வெற்றியைக்
கொண்டாடுகிறார்கள். சிவனும் சக்தியும் கூடியிருப்பதால்
எல்லா அனுக்கிரகமும் கிடைக்கிறது.
-
அட்சராப்யாசம் என்று குழந்தைக்குப் படிப்பு சொல்லிக்
கொடுப்பதை நன்னாளான விஜயதசமியன்று தான்
ஆரம்பிப்பார்கள். அதனால் குழந்தை கல்வியில் சிறந்து விளங்கி,
குழந்தையின் எதிர்காலம் ஞானமயமாக இருக்கும் என்பர்.
-
விஜயதசமி மிகவும் சிறப்புக்குரிய நாள். பெருவெற்றி திருநாள்.
ஆணவத்தை வீரமும், வறுமையும் செல்வமும், அஞ்ஞானத்தை
ஞானமும் வெற்றி கொண்ட பொன்னாள்!
-
--------------------------------------
– பி. சீதாலட்சுமி, சென்னை.
மங்கையரெ மலர்