புதுவை வங்கியிலிருந்து அனுப்பிய பணத்தில் கள்ள நோட்டுகள்? ரிசர்வ் வங்கி அதிகாரி புகார்

புதுச்சேரி வங்கியில் இருந்து அனுப்பிய பணத்தில்
கள்ள நோட்டுகள் இருந்ததாக ரிசர்வ் வங்கி அதிகாரி
காவல் துறையில் புகார் அளித்துள்ளார்.

புதுவை ரெட்டியார் பாளைத்தில் தேசியமயமாக்கப்பட்ட
வங்கி உள்ளது. இந்த வங்கியில் கடந்த ஜூலை மாதம்
செலுத்தப்பட்ட பணத்தை வங்கி அதிகாரிகள் சென்னை
ரிசர்வ் வங்கிக்கு அனுப்பி உள்ளனர்.

ரிசர்வ் வங்கி அதிகாரிகள் அந்த பணத்தை சோதனை
செய்தபோது அதில் 100 ரூபாய் நோட்டுகள் 10, 500 ரூபாய்
நோட்டு ஒன்று, ஆயிரம் ரூபாய் நோட்டு ஒன்று என கள்ள
நோட்டுகள் இருந்ததை கண்டு பிடித்துள்ளனராம்.

இது குறித்து ரிசர்வ் வங்கி மேலாளர் ராஜேஷ் கம்பேல்
சிபிசிஐடி போலீஸில் புகார் அளித்துள்ளார். சிபிசிஐடி உதவி
ஆய்வாளர் சந்தோஷ் வழக்குப்பதிவு செய்து விசாரணை
நடத்தி வருகிறார்.
-
---------------------------------------
தினமணி