மீண்டும் வந்தது நேஷனல் ஹெரால்டு பத்திரிகை

காங்கிரஸ் கட்சியின் பத்திரிகையான நேஷனல் ஹெரால்டு
8 ஆண்டுகளுக்குப் பிறகு திங்கள்கிழமை மறுபிறவி
எடுத்துள்ளது.
-
எனினும், இப்போது இணையதளம் வழியாக படிக்கும்
வகையில் மட்டும் அப்பத்திரிகை உள்ளது.
-
விரைவில் நேஷனல் ஹெரால்டு பத்திரிக்கை அச்சு வடிவிலும்
வெளியாகும். நாளிதழின் நிறுவனர் ஜவாஹர்லால் நேருவின்
கொள்கைகளின்படி பத்திரிகை தொடர்ந்து இயங்கும் என்று
அந்த இணையதளத்தில் கூறப்பட்டுள்ளது.
-
"ஜவாஹர்லால் நேருவின் 127-ஆவது பிறந்த தினத்தை
முன்னிட்டு நேருவுக்கு அஞ்சலி செலுத்தும் வகையில்
நேஷனல் ஹெரால்டு பத்திரிகை மீண்டும் தொடங்கப்பட்டுள்ளது'
என்று ராகுல் காந்தி கூறியுள்ளார்.
-
மறைந்த பிரதமர் ஜவாஹர்லால் நேருவால், கடந்த 1938-ஆம்
ஆண்டில் இந்திய சுதந்திரத்தை முதன்மையான நோக்கமாகக்
கொண்டு நேஷனல் ஹெரால்டு ஆங்கில நாளிதழ் ஆரம்பிக்கப்
பட்டது.

இதை "அசோசியேட்டட் ஜர்னல்ஸ்' நிறுவனம் நடத்தி வந்தது.
நிர்வாகச் சீர்கேடு, விற்பனைச் சரிவு உள்ளிட்ட காரணங்களால்
2008-ஆம் ஆண்டில் இந்தப் பத்திரிகை நிறுத்தப்பட்டது.

நேஷனல் ஹெரால்டு பத்திரிகையை நடத்தி வரும் அசோசியேட்
ஜர்னல்ஸ் நிறுவனத்தின் சொத்துகளை அபகரித்ததான
குற்றச்சாட்டு தொடர்பான வழக்கில் காங்கிரஸ் தலைவர்
சோனியா காந்தி, துணைத் தலைவர் ராகுல் காந்தி, பொருளாளர்
மோதிலால் வோரா, பொதுச் செயலாளர் ஆஸ்கர் பெர்னாண்டஸ்,
பத்திரிகையாளர் சுமன் துபே, தொழில்நுட்ப வல்லுனர்
சாம் பிட்ரோடா மற்றும் யங் இந்தியா நிறுவனம் மீது குற்றம்
சாட்டப்பட்டது.
-
----------------------------------
தினமணி