நாடாளுமன்ற கூட்டுக் குழு விசாரணை தேவை

நாடாளுமன்ற கூட்டுக் குழு விசாரணை தேவை: ரூபாய்
நோட்டு விவகாரத்தில் எதிர்க்கட்சிகள் வலியுறுத்தல்
-
"ரூபாய் நோட்டுகள் செல்லாது என்று மத்திய அரசு
அறிவிப்பதற்கு முன்பே, அந்தத் தகவல் சிலருக்கு மட்டும்
கசியவிடப்பட்டுள்ளது; இதுதொடர்பாக, நாடாளுமன்ற
கூட்டுக் குழு விசாரணை நடத்தப்பட வேண்டும்'' என்று
மாநிலங்களவையில் எதிர்க்கட்சிகள் வலியுறுத்தியுள்ளன.
-
தேசத்தின் நலன் கருதியே ரூபாய் நோட்டுகள் செல்லாது என்ற
நடவடிக்கையை மத்திய அரசு மேற்கொண்டுள்ளது என்று மத்திய
எரிசக்தித் துறை அமைச்சர் பியூஷ் கோயல்,
மாநிலங்களவையில் புதன்கிழமை கூறினார்.
-
எதிர்க்கட்சி உறுப்பினர்களின் கேள்விகளுக்குப் பதிலளிக்கும்
வகையில் அவர் மேலும் பேசியதாவது:
-
ரூபாய் நோட்டு செல்லாது என்ற அறிவிப்பு முன்கூட்டியே
பாஜகவினருக்குத் தெரியும் என்ற குற்றச்சாட்டு அடிப்படை
ஆதாரமற்றது.
-
இதில், எவ்வித அரசியலும் இல்லை. நாட்டின் நலன் கருதியே
எடுக்கப்பட்ட இந்த நடவடிக்கை, நீண்ட காலத்துக்கு நன்மை
தரும்.
-
இந்த நடவடிக்கைக்குப் பிறகு விலைவாசி குறையும்,
வட்டி விகிதம் குறையும், வரி விகிதம் குறையும். கருப்புப்
பணத்தையும், ஊழலையும் ஒழிப்பதற்கும் பாஜகவுக்கும்,
பிரதமர் மோடிக்கும் மட்டுமே வலிமை உள்ளது என்றார்
அவர்.
-
முடிவுறா விவாதம்
சுமார் 7 மணி நேரம் நீடித்த இந்த விவாதத்தில் முடிவு எதுவும்
எட்டப்படவில்லை. அதனால், வியாழக்கிழமையும் விவாதம்
தொடரவுள்ளது.
-
முன்னதாக, மாநிலங்களவை எதிர்க்கட்சித் தலைவர்
குலாம் நபி ஆஸாத் பேசுகையில், ""மாநிலங்களவையில்
வியாழக்கிழமை விவாதம் நடைபெறும்போது, பிரதமர் மோடி
அவையில் இருக்க வேண்டும்'' என்று வலியுறுத்தினார்.
-
---------------------------------
தினமணி