போட்டி போட்டு அள்ளி மக்கள்... பணத்திற்காக படுகாயம்...

திருப்பூர்:
எனக்கு, உனக்கு என்று மக்கள் அடித்து பிடித்துக் கொண்டு படுகாயம் பட்டு அள்ளிச் சென்ற சம்பவம் தான் பெரும் பரபரப்பிற்கு காரணம். என்ன விஷயம் என்றால்...

திருப்பூர் அவினாசி அருகே முள்புதர் நிறைந்த காடு ஒன்றில் உள்ள இடுகாட்டில் மூட்டையில் கட்டப்பட்ட நிலையில் பழைய 500, 1000 ரூபாய் நோட்டுகள் கிடக்க... அதை அள்ள மக்கள் போட்டி போட பலரும் படுகாயம் அடைந்தனர்.

கடந்த 8-ம் தேதி பிரதமர் மோடி 500, 1000 ரூபாய் நோட்டுகள் செல்லாது என அறிவித்த பின்னர் பல மாநிலங்களில் அந்த நோட்டுகள் குப்பைத் தொட்டியில் விழுந்து வருகிறது.

காரணம் இந்த பழைய பணத்திற்கு புதிய பணம் வாங்க... வங்கியில் பணத்தை டெபாசிட் செய்பவர்களுக்கு சில நடைமுறைகளை மத்திய அரசு கொண்டு வந்துள்ளது. என்னன்னா? 2.5 லட்சத்திற்கு மேல் டெபாசிட் செய்பவர்களின் வருமான வரி கணக்குகளை வருமானவரித் துறையினர் ஒப்பிட்டு பார்த்து கணக்குகள் சரியில்லையென்றால் கடும் நடவடிக்கை எடுக்கப்படும் என்று தெரிவிக்கப்பட்டது.

இதனால் கருப்பு பணத்தை வைத்திருப்போர் அதனை மாற்ற முடியாமல் திணறி வருகின்றனர். பல இடங்களில் குப்பைகளில் பணத்தை வீசுவதும், எரிப்பது போன்ற சம்பவங்கள் நடந்து வருகிறது.

இந்நிலையில் திருப்பூர் அருகே இடுகாடு ஒன்றில் 60 லட்சம் ரூபாய் மதிப்பிலான 500, 1000 ரூபாய் நோட்டுகள் மூட்டையில் கட்டப்பட்ட நிலையில் கிடந்துள்ளது. இதை எடுக்க அந்த பகுதி மக்கள் மல்லுக்கட்ட பலரும் படுகாயம் அடைந்தனர். பலர் பணத்தை அள்ளிச்சென்றனர்.

தகவல் அறிந்து அந்த பகுதிக்கு விரைந்து வந்த போலீசார் பணத்தை பறிமுதல் செய்து அதனை யார் வீசி சென்றது யார் என்று விசாரித்து வருகின்றனர்.

-