வீட்டில் மூலிகை செடி வளர்ப்பு 2 நாள் பயிற்சிக்கு ஏற்பாடு

by rammalar Fri Dec 23, 2016 6:39 am

சென்னை :
மூலிகை செடிகளை வீட்டில் வளர்ப்பது குறித்த இரண்டு நாள்
பயிற்சிக்கு, நகர்ப்புற தோட்டக்கலை துறை வளர்ச்சி மையம்
ஏற்பாடு செய்துள்ளது.

அண்ணா நகரில் இயங்கி வரும், நகர்ப்புற தோட்டக்கலை துறை
வளர்ச்சி மையம் வெளியிட்டுள்ள அறிக்கை:மூலிகை செடிகள்
சாகுபடி குறித்த, இரண்டு நாள் சிறப்பு பயிற்சி, வரும், 28 மற்றும்
29ம் தேதிகளில் நடக்கிறது.

மாடித்தோட்டம் அமைப்பது குறித்து, 30ல், பயிற்சி நடக்கிறது.
காலை, 9:30 மணி முதல், மாலை, 4:30 மணி வரை, பயிற்சி நடக்கும்.
வீட்டின் பின்பகுதியில் உள்ள காலி இடங்களில், மூலிகை பயிர்கள்
வளர்ப்பதால், சிறு உடல் உபாதைகளுக்கு, வீட்டு வைத்தியம்
செய்ய முடியும்.

வீட்டில் இருப்போர், மாணவர்கள், சுய உதவிக் குழுக்கள்,
இளைஞர்கள் மற்றும் தொண்டு நிறுவனங்களுக்கு, இது நல்ல
வாய்ப்பாக அமையும்.பயிற்சியில் கலந்து கொள்ள விருப்பம்
உள்ளவர்கள், 044 - 2626 3484, 2628 3484 என்ற தொலைபேசி எண்களில்
தொடர்புக் கொண்டு, முன்பதிவு செய்யலாம்.

பயிற்சியில் பங்கேற்பவர்களுக்கு, கையேடு, குறிப்பேடு, மதிய
உணவு, சான்றிதழ் ஆகியவை வழங்கப்படும்.இவ்வாறு அதில்
கூறப்பட்டு உள்ளது.
-
-------------------------------------------
தினமலர்