கர்நாடக முதல்வருக்கு ஷூ லேஸ் கட்டிவிட்ட பாதுகாவலர்: மீண்டும் சர்ச்சையில் சித்தராமையா

[img][/img]
-
மைசூரு:
கர்நாடக முதல்வர் சித்தராமையாவின் ஷூ லேசை பாதுகாவலர்
கட்டிவிட்டதால் மீண்டும் அவர் சர்ச்சயைில் சிக்கியுள்ளார்.

கர்நாடக மாநில முதல்வர் சித்தராமையா அடிக்கடி சர்ச்சைகளில்
சிக்கி ஆளும்கட்சி மற்றும் எதிர்க்கட்சி தலைவர்களின்
விமர்சனங்களுக்கு ஆளாகிவருவது வழக்கமாக உள்ளது.

உயர் மதிப்பு கைக்கடிகாரத்தை அன்பளிப்பாக பெற்றதாக அவர்
மீது ஏற்கனவே குற்றச்சாட்டு எழுந்தது.

இந்நிலையில் கடந்த வெள்ளிக்கிழமை மைசூரில் கன்னட நடிகர்
சேத்தன் காலமானார். இவருக்கு அஞ்சலி செலுத்த முதல்வர்
சென்றிருந்தார். அஞ்சலி செலுத்தியபின் வெளியில் வந்து ஷூவை
மாட்டியுள்ளார். அப்போது அவரின் பாதுகாப்பு பணியில் ஈடுபட்டு
வரும் குமார் என்பவர் முதல்வரின் ஷூ லேசை கட்டிவிட்டதாக
தெரிகிறது.

இதற்கு எதிர்க்கட்சி தலைவர்கள் கடும் கண்டனம் தெரிவித்துள்ளனர்.
ஆனால், காங்கிரஸ் கட்சியின் மாநில தலைவர் பரமேஸ்வர் கூறுகையில்,
‘‘கீழே விழுந்த பேப்பரை எடுக்க பாதுகாப்பு ஊழியர் ஈடுபட்டார்.
இதை சிலர் வேண்டும் என்றே முதல்வருக்கு அவப்பெயரை ஏற்படுத்தும்
நோக்கத்தில் தவறான செய்திகளை வெளியிடுகின்றனர்’’ என்றார்.
-
----------------------------------
தினகரன்