தாவூத் இப்ராஹிமின் ரூ.15,000 கோடி சொத்துகள் பறிமுதல்

மும்பை தொடர் குண்டு வெடிப்புக்கு சதித் திட்டம் தீட்டியவரான
நிழல் உலக தாதா தாவூத் இப்ராஹிமின் ரூ.15,000 கோடி
மதிப்புள்ள சொத்துகளை ஐக்கிய அரபு அமீரகம் செவ்வாய்க்கிழமை
பறிமுதல் செய்தது.

தாவூத் இப்ராஹிமுக்குச் சொந்தமாக துபையில் உள்ள சொத்துகள்
பறிமுதல் செய்யப்பட்டுள்ளதாக ஏபிபி செய்தி நிறுவனம் தெரிவித்துள்ளது.

தில்லியில் தாவூத் இப்ராஹிமை கேலி செய்யும் வகையில், திரைப்படம்
ஒன்றில் காட்சியமைக்கப்பட்டிருப்பதாகவும், அந்தக் காட்சிகளை நீக்க
வலியுறுத்தியும், தங்களுக்கு தொலைபேசி மிரட்டல் அழைப்புகள்
வந்துள்ளதாக, காவல் துறையிடம் அந்தத் திரைப்படத் தயாரிப்புக்
குழுவினர் புகார் கொடுத்தனர்.

அதையடுத்து, தாவூத் இப்ராஹிமை இந்தியா கொண்டு வருவதற்கான
முயற்சிகள் தொடரும் என்று மத்திய உள்துறை அமைச்சர் ராஜ்நாத் சிங்
கூறினார்.

தேடப்படும் குற்றவாளியான தாவூத் இப்ராஹிம், பாகிஸ்தானில்
பதுங்கியிருப்பதாக, இந்தியா குற்றம் சாட்டி வந்தது. ஆனால், அந்தக்
குற்றச்சாட்டுகளை பாகிஸ்தான் அரசு மறுத்து வந்தது. அதையடுத்து,
தாவூத் இப்ராஹிம், பாகிஸ்தானில் தலைமறைவாக இருப்பதை அமெரிக்கா
உறுதி செய்தது.
-
---------------------------------------------------
தினமணி