அனுமன் ஜயந்தி விழா நாளை தொடக்கம்

[img][/img]
-
திருவள்ளூரை அடுத்த தேவி மீனாட்சி நகரில் உள்ள
விஸ்வரூப பஞ்சமுக ஆஞ்சநேயர் கோயிலில், அனுமன் ஜயந்தி
விழா புதன்கிழமை (டிசம்பர் 28) முதல் வரும் ஜனவரி 1-ஆம்
தேதி வரை நடைபெறுகிறது.

ஆண்டுதோறும் மார்கழி மாத மூல நட்சத்திரத்தன்று,
அனுமன் ஜயந்தி விழா கொண்டாடப்படுகிறது. இதையொட்டி,
திருவள்ளூர் தேவி மீனாட்சி நகரில் உள்ள 32 அடி உயர, விஸ்வரூப
பஞ்சமுக ஆஞ்சநேயர் கோயிலில் புதன்கிழமை காலை
8.30 மணிக்கு, மூலவருக்கு விசேஷ திருமஞ்சனம் நடைபெறுகிறது.

29-ஆம் தேதி முதல் 31-ஆம் தேதி வரை தினமும் காலை 9 மணிக்கு
மூல மந்திர ஜப ஹோமம், அனுமன் சாலீஸா பாராயணம் நடை
பெறுகிறது. பகல் 11 மணிக்கு மகா தீபாராதனை நடைபெறும்.

வரும் ஜனவரி 1-ஆம் தேதி புத்தாண்டு அன்று காலை 8.30 மணிக்கு,
லட்சுமி குபேர யாகமும், 11 மணிக்கு ஸ்வர்ண புஷ்பார்ச்சனையும்,
மாலை 4.30 மணி முதல் பஞ்சமுக சகஸ்ரநாம அர்ச்சனையும் நடை
பெறுகிறது.
–
—————————————–
தினமணி