ஐ.நா.,வில் மகளிர் தின சிறப்பு நிகழ்வு ; ஐஸ்வர்யாவின் நடனம்

----

-
நடிகர் ரஜினிகாந்த்தின் மகளும்,
தனுஷின் மனைவியும், இயக்குநருமான ஐஸ்வர்யா,
கடந்த ஆகஸ்ட் மாதம் ஐ.நா., சபையின் தென்னிந்திய
பெண்களுக்கான நல்லெண்ண தூதராக நியமிக்கப்பட்டார்.

இந்நிலையில் வருகிற மார்ச் 8-ம் தேதி மகளிர் தினம்
கொண்டாடப்படுகிறது. இதையொட்டி ஐ.நா. சபையில்
மகளிர் தின சிறப்பு விழாக்கள் நடைபெற இருக்கிறது.

இதில் பல்வேறு நிகழ்ச்சிகள் நடக்கிறது.
அதில் ஒருபகுதியாக, ஐஸ்வர்யா தனுஷின் பரதநாட்டிய
நிகழ்ச்சியும் நடைபெற இருக்கிறது.

இதற்காக தீவிர நடன பயிற்சியில் ஈடுபட்டுள்ளார்
ஐஸ்வர்யா. தான் நடன பயிற்சி மேற்கொள்ளும்
சிறு வீடியோ ஒன்றையும் தனது டுவிட்டர் பக்கத்திலும்
ஐஸ்வர்யா வெளியிட்டுள்ளார்.

இந்நடன விழா ஐ.நா.வில் இருக்கும் இந்திய தூதரகத்தால்
ஏற்பாடு செய்யப்பட்டுள்ளது. 45 நிமிடம் முதல் 1 மணி
நேரம் நடக்கும் இந்த நிகழ்ச்சியில், நாட்டிய கடவுள்
நடராஜருக்கு புஷ்பாஞ்சலியில் தொடங்கி,

மதுரையை ஆண்ட மீனாட்சியின் வாழ்க்கையை சொல்லி,
உலக பெண்களின் மகத்துவத்தையும், வைரமுத்துவின்
அவசர தாலாட்டு என்ற பாடலில் இன்றைய நாளில் பணிக்கு
செல்லும் தாய்மார்களின் மேன்மையையும் தன்
நாட்டியத்தின் மூலம் கூற இருக்கிறார்.

முடிவில், காஞ்சி பெரியவர் எழுதிய. மைத்ரிம் பஜத என்ற
பாடலுடன் உலக சமாதானத்தை வேண்டி நிறைவு செய்கிறார்.

இது எம்.எஸ்.சுப்புலெட்சுமியால் ஐக்கிய நாடுகள் சபையில் முதல்முறையாக பாடப்பட்ட பாடல் என்பது குறிப்பிடத்தக்கது.