இராணுவ பலத்தில் சிறந்த டாப் 10 நாடுகள் இவைதான்!!

by rammalar Wed May 10, 2017 6:46 pm

புதன், 10 மே 2017

இராணுவ பலத்தில் உலகின் மிக வலிமையான 10 நாடுகள்
எவை என குளோபல் பயர்பவர் அமைப்பும், கிரெடிட் சூசேவும்
இணைந்து வெளியிட்டிருக்கின்றன. அவை...

-
அமெரிக்கா:

இந்த பட்டியலில் அமெரிக்கா முதல் இடத்தில் உள்ளது. அமெரிக்காவிடம் 1,40,000 இராணுவ வீரர்கள், 8,848 பீரங்கிகள், 13,892 போர் விமானங்கள், 20 விமானம் தாங்கிப் போர்க்கப்பல்கள், 72 நீர் மூழ்கிக் கப்பல்களும் உள்ளன.

ரஷ்யா:

இரண்டாம் இடம் பெறும், ரஷ்யாவிடம் 7,66,055 இராணுவ வீரர்களும், 15,398 பீரங்கிகளும், 3,429 போர் விமானங்களும், 55 நீர்மூழ்கி போர்க்கப்பல்களும், ஒரு விமானம் தாங்கி போர்க்கப்பலும் உள்ளன.

சீனா:
-
சீனாவுக்கு மூன்றாவது இடம் கிடைத்துள்ளது. சீனாவிடம் 23,33,000 இராணுவ வீரர்கள் உள்ளனர். மேலும் 9,150 பீரங்கிகள், 2,860 போர் விமானங்கள், 67 நீர்மூழ்கி போர்க்கப்பல்கள் உள்ளன. ஒரு விமானம் தாங்கி போர்க்கப்பல் உள்ளது.

இந்தியா:

இந்த பட்டியலில் 4 வது இடம் கொடுக்கப்பட்டுள்ள் இந்தியாவிடம் 13,25,000 ராணுவ வீரர்கள், 6,464 பீரங்கிகள், 1,905 போர் விமானங்கள், 15 நீர் மூழ்கி போர்க்கப்பல்கள், 2 விமானம் தாங்கி போர்க்கப்பல்கள் உள்ளன.

இங்கிலாந்து:

இங்கிலாந்திடம் 1,46,980 இராணுவ வீரர்கள், 407 பீரங்கிகள், 936 போர் விமானங்கள், 10 நீர் மூழ்கி போர்க்கப்பல்கள் மற்றும் ஒரு விமானம் தாங்கி போர்க்கப்பல் உள்ளது.

பிரான்ஸ்:

6 வது இடத்தில் உள்ள பிரான்ஸிடம் 2,02,761 இராணுவ வீரர்கள், 423 பீரங்கிகள், 1,264 போர் விமானங்கள், 10 நீர்மூழ்கிக் கப்பல்கள், 4 விமானம் தாங்கி போர் கப்பல்கள் உள்ளன.

தென்கொரியா:

தென்கொரியா அருகில் உள்ள வடகொரியாவை சமாளிக்க வேண்டும் என்பதற்காகவே தனது இராணுவ பலத்தை சிறப்பாக வைத்திருக்கிறது.

தென்கொரியாவிடம் 6,24,465 இராணுவ வீரர்களும், 2,381 பீரங்கிகளும், 1,412 போர் விமானங்களும், 13 நீர் மூழ்கி கப்பல்களும் உள்ளன.

ஜெர்மனி:

இராணுவத்திற்கு மிக குறைவாக செலவிடும் நாடாக ஜெர்மனி இருக்கிறது. ஜெர்மனி இராணுவத்திடம் 1,79,046 இராணுவ வீரர்களும், 408 பீரங்கிகளும், 663 போர் விமானங்களும், 4 நீர்மூழ்கி கப்பல்களும் உள்ளன.

ஜப்பான்:

ஜப்பானிடம் 4 விமானம் தாங்கி போர்க்கப்பல்கள், 2,47,173 இராணுவ வீரர்கள், 678 பீரங்கிகள், 1,613 போர் விமானங்கள் மற்றும் 16 நீர்மூழ்கி போர்க்கப்பல்கள் உள்ளன.

துருக்கி:

கடைசி இடத்தில் துருக்கியிடம் இராணுவ வீரர்களும் 3,778 பீரங்கிகளும், 1,020 போர் விமானங்களும், 13 நீர்மூழ்கி போர்க்கப்பல்களும் உள்ளதாக தெரிகிறது.
-
---------------------
தமிழ் வெப்துனியா