தங்கம் விலை சரிவு

-

-
புதுடெல்லி:
பண்டிகை கால தேவைகள் மற்றும் தங்க நகை மீதான
நகைக்கடை உரிமையாளர்களின் நாட்டம் குறைந்துள்ளதையடுத்து,
4வது நாளான நேற்றும் தங்கத்தின் விலையில் சரிவு
காணப்பட்டது

.பண்டிகை கால தேவைகள் குறைந்துள்ளதையடுத்து,
டெல்லியில் யூக வணிகத்தில் ஈடுபடுவோர் மற்றும் நகைக்கடை
உரிமையாளர்கள் தங்கம் வாங்குவதில் ஆர்வம் காட்டவில்லை.

இதனால் உலக சந்தையில் 4வது நாளாக நேற்றும் தங்கத்தின்
விலை குறைந்திருந்தது. 10 கிராம் எடையிலான சுத்த தங்கத்தின்
விலையில் 270 குறைந்து, 28,880க்கு விற்பனையானது.

இது கடந்த 6 வாரத்துக்கு முன், மார்ச் 17ம் தேதி விற்கப்பட்ட
விலை மதிப்பாகும்.

இதேபோல் 8 கிராம் எடையிலான ஆபரண தங்கத்தின் விலையில்
100 குறைந்து 24,300க்கு விற்கப்பட்டது.

வெள்ளியின் விலையிலும் நேற்று சரிவு காணப்பட்டது.
ஒரு கிலோ எடையிலான வெள்ளி 650 குறைந்து 38,850க்கு
விற்கப்பட்டது.

வாரச்சந்தையிலும் வெள்ளியின் விலை 800 குறைந்து 37,950க்கு
விற்பனையானது. நூறு எண்ணிக்கையிலான வெள்ளி நாணயங்களின்
வாங்கும் விலை 1000 குறைந்து 69,000க்கும், விற்கும் விலை 70,000
ஆகவும் இருந்தது.

-
----------------------------------------
தினகரன்