கொரிய மொழியில் திருக்குறள்

-

சென்னை:
கொரிய மொழியில் அச்சிடப்பட்ட, திருக்குறள் நுாலை,
முதல்வர் பழனிசாமி, நேற்று தலைமை செயலகத்தில்
வெளியிட்டார்.

'கொரிய மொழியில், திருக்குறள் வெளியிடப்படும்' என,
தமிழக அரசு, 2015ல், அறிவித்திருந்தது. இதற்காக,
36 லட்சம் ரூபாய் ஒதுக்கப்பட்டது. உலக தமிழாராய்ச்சி
நிறுவனம் மூலம், திருக்குறள் மொழி பெயர்க்கப்பட்டு,
கொரிய மொழியில் அச்சிடப்பட்டுள்ளது.

இந்நுாலை, முதல்வர் பழனிசாமி, நேற்று தலைமை
செயலகத்தில் வெளியிட்டார்.

முதல் பிரதியை பெற்ற, சென்னையில் உள்ள,
தென் கொரியா துாதர் ஹங்டேகிம் பேசுகையில்,
''திருக்குறளை, கொரிய மொழியில் அச்சிட்டு வெளியிட்ட,
தமிழக அரசுக்கு நன்றி,'' என்றார்.

நிகழ்ச்சியில், தென் கொரிய துணை துாதர்கள்,
டைசூ சங், ஜூன்சூக் பார்க், தலைமை செயலர்
கிரிஜா வைத்தியநாதன் மற்றும் அதிகாரிகள் பங்கேற்றனர்.
-
----------------------------
தினமலர்