உ.பி., முதல்வர் யோகியை தகுதி நீக்கம் செய்யணும்!'

லக்னோ:
எம்.பி., பதவியை ராஜினாமா செய்யாததால், உ.பி., முதல்வர்
யோகி ஆதித்யநாத், துணை முதல்வர் கேஷவ் பிரசாத் மவுரியா
ஆகியோரை தகுதி நீக்கம் செய்யக்கோரும் மனு தொடர்பாக
பதில் அளிக்கும்படி, உ.பி., மற்றும் மத்திய அரசுக்கு,
அலகாபாத் ஐகோர்ட் உத்தர விட்டுள்ளது.

உ.பி.,யில் நடந்த சட்டசபைத் தேர்தலில், பா.ஜ., அமோக
வெற்றி பெற்றதை அடுத்து, அந்த கட்சியை சேர்ந்த, எம்.பி.,க்கள்
யோகி ஆதித்யநாத், முதல்வராகவும், கேஷவ் பிரசாத் மவுரியா,
துணை முதல்வராகவும் பொறுப்பேற்றனர்.

இவர்கள், இன்னும், எம்.பி., பதவியை ராஜினாமா செய்யவில்லை.
இந்நிலையில், எம்.பி., பதவியை ராஜினாமா செய்யாமல், முதல்வர்
மற்றும் துணை முதல்வராக உள்ள, ஆதித்யநாத், மவுரியாவை
தகுதி நீக்கம் செய்யக் கோரி, சஞ்சய் சர்மா என்பவர், அலகாபாத்
ஐகோர்ட்டில் மனு தாக்கல் செய்தார்.

இந்த மனு, நீதிபதிகள் சுதிர் அகர்வால், வீரேந்திர குமார் அடங்கிய
அமர்வு முன், நேற்று(மே 25) விசாரணைக்கு வந்தது. மனுவை
பரிசீலித்த நீதிபதிகள், இது தொடர்பாக விளக்கம் அளிக்கும்படி,
உ.பி., அரசுக்கும், மத்திய அரசுக்கும், 'நோட்டீஸ்' அனுப்ப
உத்தரவிட்டனர்.

'முதல்வராக பொறுப்பேற்ற ஆறு மாதத்துக்குள், உ.பி.,
மாநிலத்தில் உள்ள, ஏதாவது ஒரு சட்டசபை தொகுதியில்
போட்டியிட்டு, யோகி ஆதித்யநாத் வெற்றி பெற வேண்டும்;

இதற்கு, இன்னும் நான்கு மாதம்அவகாசம் உள்ள நிலையில்,
இந்த வழக்கு தேவையற்றது' என, உ.பி., மாநில, பா.ஜ.,
வட்டாரங்கள் தெரிவித்தன.
-
----------------------------------
தினமலர்