உலகின் அதிக மக்கள்தொகை கொண்ட நகரங்களின் ’டாப் 10’-ல் இரண்டு இந்திய நகரங்கள்!

-
உலகப் பொருளாதார மன்றம் வெளியிட்டுள்ள புதிய
தரவரிசைப் பட்டியலின் அடிப்படையில் உலகிலேயே
அதிக மக்கள்தொகை கொண்ட நகரங்களின் பட்டியலில்
மும்பை இரண்டாம் இடத்தில் இடம்பெற்றுள்ளது.

இதன் ‘டாப்-10’ பட்டியலில் ஏழாம் இடத்தில்
ராஜஸ்தான் மாநிலத்தின் கோட்டா நகரம் இடம்
பெற்றுள்ளது.

ஐநா-வின் வாழிடம் குறித்த தகவல்களின் அடிப்படையில்
ஜெனிவாவில் அமைந்துள்ள ‘உலகப் பொருளாதார மன்றம்’
வெளியிட்டுள்ள பட்டியலில், உலகின் மக்கள்தொகை
மிகுந்த நகரமாக வங்கதேசத்தின் தாக்கா நகரம் முதலிடத்தில்
உள்ளது.

ஒரு சதுர கி.மீ-க்கு 44,500 பேர் தாக்கா நகரில் வசிக்கின்றனர்.
இரண்டாம் இடத்திலுள்ள மும்பை நகரத்தில் ஒரு சதுர கி.மீ
அளவில் 31,700 பேர் வசிக்கின்றனர்.

பட்டியலில் மூன்றாவதாக மெட்லின் நகரில் 19,700 பேர் ஒரு
சதுர கி.மீ அளவில் வசிக்கின்றனர்.

இந்த உலக தரவரிசைப் பட்டியலில் ஆசியாவைச்
சேர்ந்த ஆறு நகரங்கள் இடம்பெற்றுள்ளன.

மேலும் ஆப்ரிக்காவிலிருந்து மூன்று நகரங்களும்,
தென் அமெரிக்காவைச் சேர்ந்த ஒரு நகரமும் இடம்
பெற்றுள்ளது குறிப்பிடத்தக்கது.