சென்னை-திருச்சிக்கு 4 மணி நேரத்தில் போகலாம்

இரட்டை ரெயில் பாதை அமைப்பு: சென்னை-திருச்சிக்கு 4 மணி நேரத்தில் போகலாம்
பதிவு: மே 26, 2017 11:23 மாலைமலர்

சென்னை-கன்னியாகுமரிக்கு இரட்டை ரெயில் பாதை அமைக்க வேண்டும் என்பது தென் மாவட்ட மக்களின் நீண்ட நாள் கோரிக்கை.



இந்த பணி தொடங்கப்பட்டு பல ஆண்டுகளாக ஆமை வேகத்தில் நகர்ந்து கொண்டிருக்கிறது. சென்னையில் இருந்து திருச்சி வரையிலான 334 கிலோ மீட்டர் தூரத்தில் பெரும்பாலான இடங்களில் இரட்டை வழிப்பாதை அமைக்கப்பட்ட நிலையில் வாலடி- திருச்சி இடையிலான 20 கிலோ மீட்டர் தூரத்தில் மட்டும் பணிகள் நடந்தன.

இந்த பணிகள் நிறைவடைந்து ரெயில்வே பாதுகாப்பு ஆணைய அதிகாரிகளும் ஆய்வு செய்து ரெயில்களை இயக்க அனுமதி கொடுத்து விட்டனர்.

இரட்டை வழித்தடம் தயாராகி விட்டதால் இனி சென்னை-திருச்சி இடையேயான பயண நேரம் வெகுவாக குறையும். தற்போது சராசரியாக 6 மணி நேரம் ஆகிறது. இனி 4 மணி நேரத்தில் சென்று விடலாம். 100 கிலோ மீட்டர் வேகத்தில் ரெயில் இயக்கப்படும்.

மாலைமலர்