ஜியோவை சமாளிக்க ஏர்டெல் புதிய திட்டம் 1000 ஜிபி போனஸ் டேட்டா சலுகை

by rammalar Mon May 29, 2017 6:25 am

புதுடெல்லி:
ஜியோவின் அதிரடி சலுகைகளுக்கு பதிலடி கொடுக்கும்
வகையில் ஏர்டெல் 1000 ஜிபி போனஸ் டேட்டா
சலுகையை அறிவித்துள்ளது.

ஜியோ பிராட்பாண்ட் சேவையில் இறங்க இருக்கிறது.
ஜியோ பைபர் சில நகரங்களில் சோதனை செய்யப்பட்டு
விரைவில் அமல்படுத்தப்பட இருக்கிறது.

ஜியோவின் இந்த புதிய திட்டத்தால் ஏர்டெல் உள்ளிட்ட
மற்ற தொலை தொடர்பு நிறுவனங்களுக்கு பின்னடைவு
ஏற்படும் நிலை உருவாகியுள்ளது.

எனவே இதை சமாளிக்கும் வகையில் ஏர்டெல் நிறுவனம்
புதிய டேட்டா சலுகைகளை அறிமுகம் செய்துள்ளது.

அதன்படி ஏர்டெல்லின் 1000 ஜிபி போனஸ் டேட்டா சலுகை
4 திட்டங்களில் கிடைக்கிறது. ரூ.899 பேக்கேஜ் அல்லது
அதற்கு குறைவான பேக்கேஜ் ரிசார்ஜ்களுக்கு 750 ஜிபி
கூடுதல் டேட்டா வழங்கப்படுகிறது.

இந்த சலுகைகள் ஆன்லைனில் ரிசார்ஜ்களுக்கு மட்டுமே
கிடைக்கும். அதே போன்று 1000 ஜிபி இலவச டேட்டா
ஏர்டெல்லின் ரூ.1099, ரூ.1,299, ரூ.1499 மற்றும் ரூ.1,799
ஆகிய 4 திட்டங்களில் கிடைக்கும். ஏர்டெல் அன்லிமிடெட்
இன்டர்நெட் சலுகை நேரடி சந்தாதாரர் சேவைக்கு
வழங்கப்பட்டுள்ளது.

இச்சலுகை மே 16ம் தேதி துவக்கப்பட்டுள்ளது. இத்திட்டம்
மற்ற திட்டங்களுடன் இணைத்து செயல்படுத்த இயலாது.
இந்த போனஸ் டேட்டா சலுகை ஜியோ பிராட்பேண்ட்
மற்றும் ஜியோ பைபர் திட்டங்களுக்கு பதிலடி கொடுக்கும்
வகையில் கொண்டுவரப்பட்டுள்ளது.
-
------------------------------------
தினகரன்