ஜூன் 6ல் காங்., செயற்குழு

புதுடில்லி:
காங்கிரஸ் செயற்குழு கூட்டம், டில்லியில், நாளை மறுதினம்
நடைபெறுகிறது; இதில், ராகுலை, கட்சி தலைவராக்குவது,
ஜனாதிபதி தேர்தல் குறித்து விவாதிக்கப்படுகிறது.

காங்கிரசின் உயர்மட்ட நிர்வாக அமைப்பான செயற்குழு,
ஏழு மாதங்களுக்கு பின், நாளை மறுதினம் கூடுகிறது.

காங்கிரஸ் தலைவர் சோனியா உடல்நலம் குன்றி இருப்பதால்,
துணை தலைவர் ராகுலை, கட்சி தலைவராக்க வேண்டும் என,
அக்கட்சியின் மூத்த தலைவர்கள் பலர், வலியுறுத்தி
வருகின்றனர்.

இதுபற்றி, இக்கூட்டத்தில் விவாதிக்கப்படுகிறது.மேலும்,
2019 பார்லிமென்ட் தேர்தலை எதிர்கொள்ள, எதிர்க்கட்சிகளை
ஒன்றிணைத்து செயல்படுவது பற்றியும் ஆலோசிக்கப்படுகிறது.

விரைவில் நடைபெறவுள்ள, ஜனாதிபதி தேர்தலில், மற்ற
எதிர்க்கட்சிகளுடன் இணைந்து, வேட்பாளரை நிறுத்துவது
பற்றியும் விரிவான ஆலோசனை நடைபெறுகிறது.

இதுதொடர்பாக, பல்வேறு கட்சித் தலைவர்கள் பங்கேற்ற
கூட்டம் ஏற்கனவே நடந்துள்ள நிலையில், ஜனாதிபதி
தேர்தலில் நிறுத்தப்படும் வேட்பாளர் பற்றி, காங்கிரஸ்
செயற்குழு கூட்டத்தில் இறுதி முடிவு எடுக்கப்படுகிறது.
-
-----------------------------
தினமலர்