செய்திகள் என்ன சொல்லுது?

பணபரிமாற்றம்.

டிஜிட்டில் இந்தியாவின் பணபரிமாற்றம் பற்றி விளக்குகிறார்கள்.
அமைதியாக கேட்கிறார். அயோத்தி ராமன்.
நீங்கள் சொல்வது வேறாக இருக்கிறது. நாரதர் சேகரித்து வந்தள்ள செய்தி வேறாக இருக்கிறதே?
அப்படியென்ன செய்தி நாரதர் கூறினார்.
நீங்கள் கூறும் செய்தியில் மக்கள் பிரச்சினைப்பற்றி தகவலே இல்லை. நாரதர் கொண்டு வந்துள்ள செய்தி முழுக்க மக்கள் படும் இன்னல்கள் பற்றி தெளிவானதாக இருக்கிறதே?
இல்லை அய்யனே! நாரதர் எங்கோ தவறான பகுதிக்குச் சென்று தகவல் சேகரித்துள்ளார்?
அப்படியா, நாரதர் பொய் சொல்கிறார் என்று கூறுகிறீர்களா?
மன்னிக்கனும் அய்யனே, நாரதர் அப்படியெல்லாம்…?
மக்கள் என்னை முழுக்கமுழுக்க மறந்து விட்டார்கள். பணபரிமாற்றம் பற்றித்தான் பேசுகிறார்கள் என்று குற்றச்சாட்டு எழுந்துள்ளது. இதற்கென்ன பதி்ல் சொல்லப் போகிறீர்கள்.
இதைப்பற்றி மிக விரிவாக பிறகு பேசுகிறோம் சுவாமி. எங்களுக்கு கொஞ்சம் அவசரமான வேலை. விடைபெறுகிறோம் என்று கூறி வணங்கி விட்டு திணறிக் கொண்டு வெளியேறினார்கள்.

செய்திகள் என்ன சொல்லுது?
*
1. உலகின் மிகப் பெரிய வர்த்தக நிறுவனமான “ அமேசான் ” அதன் கனடா நாட்டுப் பிரிவு இந்தியாவின் தேசியக் கொடியில் இடம் பெற்றுள்ள மூவர்ண நிறத்தில் கால்மிதியடிகளைத் தயாரித்தற்காகக் கடுமையாக எச்சரிக்கபட்டு, மன்னிப்புக் கேட்க வைக்கப்பட்டது.
இந்தியாவில் யோகா குரு பாபா ராம்தேவ் நடத்தும் பதஞ்சலி நிறுவனம் கூட பதஞ்சலியின் பெயரில் கால்மிதியடிகளைத் தயாரித்து விற்பனை செய்கின்றன என்கிறார்களே உண்மையா? அதற்கென்ன செய்யப் போகிறது இந்திய அரசு.
2. கம்பளா போட்டிக்கு அவசர சட்டம். கர்நாடக முதல்வர் சித்தராமையா முடீவு.
மற்ற மாநிலங்களிலும் இதுபோன்ற போட்டிகள் நடைபெற்று வருகின்றன. அவர்களும் போராட்டக்களத்திற்கு விரைவில் இறங்குவார்கள் போல தெரிகின்றது.
3. பேமெண்ட் வங்கி தொடங்க தபால்துறைக்கு ரிசர்வ் வங்கி அனுமதி.
ஆதித்யா பிர்லா நுவோ, பினோ பெடெக், எஸ்எஸ்டிஎல், ரிலையனஸ், வோடபோன் ஆகிய நிறுவனங்களுக்கு கொள்கை அளவிலான அனுமதி கிடைத்திரு்க்கிறது.
எல்லாமே தனியார்துறைக்கு தாராளமாக அனுமதிக்கபட்டுள்ளது.
தபால்துறையை இன்னும் கொஞ்சநாளில் ஊத்தி மூடிவிடுவார்கள் போல தெரிகிறது.
ஆதாரம் jதி இந்து – நாளிதழ் – 29-01-2017.
தகவல் ; ந.க.துறைவன்.

செய்திகள் என்ன சொல்லுது?
*
1.
புதுக்கோட்டை மாவட்டம் நெடுவாசலில் ஹைட்ரோ கார்பன் எரிவாயு எடுக்க மத்திய அரசு அளித்துள்ள அனுமதியை ரத்து செய்யக்கோரி தீவிரமடைந்து வரும் போராட்டங்கள்.
இயற்கை வளங்களையும், விளைநிலங்களையும் சீரழித்து வருகின்றன அரசும், கார்பரேட் நிறுவனங்களும், ,இவர்களை விட உயிர்வாழும் விலங்ககள் பிராணிகள் எவ்வளவோ மேல் என்றே தோன்றுகிறது. .
2.
169 பாரம்பரிய நெல் ரகங்களை மீட்ட, சாதனை மனிதர் “ நெல் ” ஜெயராமன் புற்றுநோயால் அவதிப்படும் பரிதாபம்.
விவசாயத்தைப் பின்னுக்கு தள்ளிவிட்டு, அவர்களின் வாழ்வாதாரத்தையும் அழித்து வரும் அரசுகள். விவசாயிகளின் உயிரோடு விளையாடுகிறது இன்று அவர்களின் பாதுகாப்புக்கு எந்த உத்தரவாதமுமில்லை.
3.
சீனாவில் வாராக்கடன் 22, 000 கோடி டாலர்.
இந்தியாவுக்கு சரிநிகர் சமமாய் தான் சீனாவும் திகழ்கிறது. எல்லா ஆட்சியாளர்களும் கார்பரேட்டுக்களின் கைகளைக் குலுக்கிக் கொண்டு தான் ஆட்சி புரிகிறார்கள்.
4.
உ.பி. 5 – ம் கட்ட தேர்தலில் போட்டியிடும் வேட்பாளர்களில் 168 பேர் கோட்டீஸ்வரர்கள். 117 பேர் குற்றப் பின்னணி உடையவர்கள்.
இந்திய ஜனநாயகமே குற்றவாளிகளின் ஆட்சியதிகாரத்தால் கட்டமைப்பட்டு வருகின்றது. இது எதிர்காலத்திற்கு மிகப் பெரிய ஆபத்தாக திகழும் என்பதை அதிகார வர்க்கத்தினர் உணர வேண்டும். இது மிகப் பெரிய எச்சரிக்கையாகவும் கருதி பரிசீலனைச் செய்ய வேண்டும்.
ஆதாரம் ; தி இந்து – நாளிதழ் – 26-02-2017.
தொகுப்பு ந.க.துறைவன்.
*

செய்திகள் என்ன சொல்லுது?

1.
ஆதார் விவரங்கள் பாதுகாப்பாக உள்ளன. ஆதார் ஆணையர் உறுதி.
யாரிடம் பாதுகாப்பாக உள்ளது ஆணையரே!
2.
பங்குச் சந்தையில் முதலீடு செய்யும்.
பி.எப். தொகையை 15 சதவீதமாக உயர்த்த தொழிலாளர் நல அமைச்சகம் திட்டம்
தொழிலாளிகள் தலையிலே மிளகாய் அரைத்தால், ஒரு முடிகூட அவர்களுக்க மிஞ்சாது.
3.
பணமதிப்பு நீக்கம் செய்வது குறித்து அமைச்சர் ஜேட்லியிடம் ஆலோசனை நடந்ததா? பதில் அளிக்க நிதியமைச்சகம் மறுப்பு.
அவரை யாரு கேட்டாங்க. பகவான் சொன்னார். பக்தர் செய்தார்.
ஆண்டவனைக் கேள்வி கேட்க முடியுமா?
ஆதாரம் ; தி இந்து – நாளிதழ் – 06-03-2017.
தகவல் ;ந.க.துறைவன்.
*

செய்திகள் சொல்கின்றன…!!
*
1.
பசுவை கொன்றால் ஆயுள் தண்டனை. ரூபாய்.1 லட்சம் அபராதம் விதிக்கப்படும். குஜராத்தில் புதிய சட்டம்.
மனிதன் தோன்றிய காலத்திலிருந்தே பறவைகள் விலங்குகள் என அனைத்தும் சாப்பிட்டு பழகியவன் மனிதன். யாரையோ அழிக்க வேண்டும்.என்ற நோக்கில் கொண்டு வரப்படும் இச்சட்டம் அரசில் நோக்கம் கொண்டதாகவே பார்க்க வேண்டியிருக்கிறது.
2.
பழைய குடும்ப அட்டைக்கு பதில் “ ஸ்மார்ட் கார்டு ” வழங்கும் திட்டம் முதல்வர் இன்று தொடங்குகிறார்.
உள்தாள் ஒட்டி ஒட்டி உப்பிப் போன குடும்ப அட்டைக்கு இப்பவாச்சும் விடுதலை கிடைக்கிறதே? இதுவும் முழுமையா செயலுக்கு வருமா?
3.
பெண்ணின் நுரையிரலில் சிக்கியிருந்த பேனா மூடி அகற்றம். பெங்களுரு அரசு மருத்துவர்கள் சாதனை.
மருத்துவ துறையின் முன்னேற்றம் பாராட்டத்தக்கது. நல்வாழ்த்துக்கள்.
4.
சிறுசேமிப்பு திட்டங்களின் வட்டி விகிதம் 0.1% குறைப்பு. மத்திய அரசு அறிவிப்பு.
பொதுமக்களின் வயிற்றில் அடிப்பதே மத்திய அரசின் நிரந்தரக“ கொள்கையாக அமைந்திருக்கிறது.
ஆதாரம் ; தி இந்து – நாளிதழ் – 01-04-2017.
தகவல் ; ந.க.துறைவன்.
*

செய்திகள் என்ன சொல்கின்றன?
*
1.
மதுக்கடைகள் அகற்றக் கோரி ஏராளமான கிராம சபைகள் தீர்மானம்.
அதிகாரிகள் பல இடங்களில் தீர்மானம் நிறைவேற்றுவதைத் தடுத்துள்ளனர். அதிகாரிகள் யாருக்காக சேவை செய்கிறார்கள?
2.
கடந்த 2005 ஆண்டு முதல் 2014 – ம் ஆண்டு வரை (10 ஆண்டுகளில் ) இந்தியாவில் குவிந்த 77,000 கோடி டாலர் கறுப்பு பணம் இந்தியாவிற்குள் வந்திருக்கிறது.
ஊழல் ஒழிப்பு பிரமாதமாக நடக்கிறது.
3.
சார் ஆட்சியருக்கும், எம்எல்ஏவுக்கும் இடையே மலர்ந்த காதல்.
கேரளாவில் புதுமை. வாழ்த்துக்கள்.
4.
பொது இடத்தில் செல்போன் பயன்படுத்தும் பெண்களுக்க ரூ.21 ஆயிரம் அபராதம். உத்தரபிரதேச கிராம பஞ்சாயத்து உத்தரவு்
ஆண்களுடன் பேசுவதைத் தடுக்கவே இந்த உத்தரவா?
ஆதாரம் ; தி இந்து – நாளிதழ் – 04-05-2017.
தகவல் ; ந.க.துறைவன்.

செய்திகள் என்ன சொல்கின்றன?
*
1.
மத்திய நகர்புற வளர்ச்சி அமைச்சகம் வெளியிட்டுள்ள இந்தியாவின் தூய்மை நகரங்கள் பட்டியலில் சென்னைக்கு 235 – வது இடம் கிடைத்துள்ளது
ஊழல், டாஸ்மாக் பிரச்சினையைக் கவனிக்கவே நேரமில்லே. இதிலே தூய்மை வேறயா? தூய்மை என்பது வெளிப்புறம் மட்டுமா?. அகத்திற்கு தேவையில்லையா?
2.
பிஹார் பாஜக பிரமுகர் வீட்டு முன்பு பசு மாடுகளை கட்டி வைத்ததாக லாலு உட்பட 6 பேர் மீது வழக்கு பதிவு.
யார் வீட்டு முன்னாலேயேயும் பசுமாடுகளைக் கட்டாதீங்கப்பா! அவங்க அவங்க வீட்டுக்குள்யே கட்டி வைச்சிகீங்க. மாடு தெய்வம். மனுஷன் நரன்.
3.
மணல் குவாரிகளை இனி அரசே ஏற்று நடத்தும். தமிழக அரசு முடிவு.
டாஸ்மாக்கை விட இதுவும் அரசுக்கு ஒரு காமதேனு தான்.
4.
பூரண மதுவிலக்கு தமிழகத்தில் எப்போது? அரசுக்கு உயர்நீதிமன்றம் நீதிபதிகள் கேள்வி.
வருமானத்திற் வழி செய்திட்டு பதில் சொல்றோம். இன்னும் கொஞ்ச நாள் அவகாசம் கொடுங்க என்று கேட்கிறது தமிழக அரசு.
ஆதாரம் ; தி இந்து – நாளிதழ் – 07-05-2017.
தகவல் ; ந.க.துறைவன்.
*

செய்திகள் என்ன சொல்கின்றன?
*
1.
ஆண்டவனிடம் தான் கேட்க வேண்டும். ரஜினி அரசியலுக்கு வருவது பற்றி இல.கணேசன் கருத்து.
ஆண்டவன் தான் வேண்டாமென்கிறார். யாரோ திணிக்கிறார்கள்.
2.
இரு அணிகளும் சேர்ந்து இரட்டை இலை சின்னத்தை உடனடியாக மீடக வேண்டும் ம.நடராஜன் வலியுறுத்தல்.
உங்களையே மீட்கப் பாருங்க.
3.
இந்த முறை 7 கோடி தமிழர்களை ஏமாற்ற மாட்டார். ரஜினி அரசியலுக்கு வருவது உறுதி. நெருக்கமான பெங்களுரு நண்பர் ராஜ்பகதூர் பேட்டி.
ஏழு கோடி தமிழர்கள் ஏற்கனவே ஏமாந்து போய் நிலைகுலைந்து கிடக்கிறார்கள்.
4.
தமிழ்மொழி வளர்ச்சிக்க நீண்டகால திட்டம் வேண்டும். சிங்கப்பூர் வளர்தமிழ் இயக்க தலைவர் இராஜாராம் வலியுறுத்தல்.
தமிழ் வெளிநாட்டில் வாழ்கிறது. தமிழ்நாட்டில் அழிகிறது.
ஆதாரம் ; தி இந்து – நாளிதழ் – 19-05-2017.
தகவல் ; ந.க.துறைவன்.
*

செய்திகள் என்ன சொல்கின்றன?
*
1. “ கறிக்காக மட்டுமே வளர்க்கப்படும் கோழிகளின் உடலில் அதிக அளவில் ரசாயனம் செலுத்தப்படுகிறது. பெண் குழந்தைகளுக்கு பிராய்லர் கோழிகளை அதிகம் தரக்கூடாது. நோய்வாயப்பட்டு இறக்கும் கோழிகளை உண்ணக்
கூடாது. அதனால் வயிற்றுப்போக்கு, தோல் நோய்கள் உள்ளிட்டவை ஏற்படும். தொடர்ந்து உண்டால் உடல் உறுப்புகள் பாதிக்கப்பட்டு செயலிழக்கும் அபாயம் ஏற்படும். ”
பெண் குழந்தைகளைக் காக்க பிராய்லர் கோழி கறியை தவிர்ப்பது நல்லது.
2. புதுச்சேரி அரசு நிர்ணயித்த கட்டணத்தை தனியார் மருத்துவக் கல்லூரிகள் ஏற்க மறுப்பு.
அரசு நிர்ணயிக்கும் கட்டணங்களை ஏற்க மறுக்கும் தனியார் மருத்துவக் கல்லூரிகளின் அங்கீகாரத்தை ஏன் ரத்து செய்யக் கூடாது. அதற்கான சட்டத் திருத்தம் அரசு கொண்டு வரவேண்டும்.
3. யார் வேண்டுமானாலும் தமிழகத்தை ஆளலாம். நடிகர் கமல்ஹாசன் கருத்து.
அயோத்தியை பாதரச்சை நாட்டை ஆண்ட வரலாறு தானே நம்முடையது.
4. 3 ஆண்டு ஆட்சி எப்படி இருந்தது? கருத்து தெரிவிக்க மோடி அழைப்பு.
மாடுகளுக்கு அதிருஷ்டம். மனிதர்களுக்கு துரதிருஷ்டம். உங்கள் மொபைல் செயலியில் உங்கள் கருத்தைத் தெரிவிக்கலாம்.
5. 17 கட்சி தலைவர்களுக்கு சோனியா விருந்து.
விருந்தும் மருந்தும் கூட்டணி உறவு வரை.
ஆதாரம் ; தி இந்து – நாளிதழ் – 27-05-2017.
தகவல் ; ந.க.துறைவன்.

செய்தி.
*
கடந்த மூன்று ஆண்டுகளில் ( பாஜக ஆட்சியில் ) மக்களவைக்கு ஐந்து எம்.பி.க்கள் மட்டுமே 100% வருகை.
தி இந்து – 05-06-2017
1.
மற்றவர்கள் என்னாவானார்கள் என்று கேள்விக் கேட்க முடியாது?
2.
இவர்கள் தான் இந்தியாவை ஆட்சியதிகாரம் செய்பவர்கள்.
3.
மக்களுக்கான சட்டம் இயற்றுபவர்கள்.
4.
அதிகபட்சமான உச்ச சம்பளம் மற்றும் இதர சலுகைள் ஏராளமாகப் பெறுபவர்கள்.
5.
ஐந்தாண்டு மட்டுமே எம்.பி, எம்.எல்.ஏ – வாக இருந்து வாழ்நாள் முழுக்க ஓய்வூதியம் பெறுபவர்கள்.
தகவல் ; ந.க.துறைவன்.

செய்திகள் என்ன சொல்லுது?
*
1.
அமிலத்தன்மையைக் குறைக்க காஸ்டிக் சோடா கலப்படம். கெட்டுப் போன பாலில் பவுடர் தயாரிப்பு. தனியார் நிறுவனங்கள் மீது அமைச்சர் ராஜேந்திர பாலாஜி பகிரங்க குற்றச்சாட்டு.
இப்பாவாச்சும் பாலில் கலப்படம்னு ஒத்துக்கிறாரே அமைச்சர். இது பலகால நடந்து வருகிறதே அப்பவெல்லாம் தெரியாமையா போச்சு? எல்லாம் காதிலே பூச்சுத்தல்


2.
அரசுப் பள்ளிகளில் பணியாற்றும் ஆசிரியர்கள் தங்களது
குழந்தைகளை அரசுப் பள்ளிகளில் சேர்க்காதது ஏன்?
20 கேள்விகளுக்கு பதிலளிக்க உயர் நீதிமன்றம் உத்தரவு.
காலம் கடந்த ஞானம். இந்தக் கேள்வி தனியார் பள்ளிகளுக்கு அரசு உரிமம் வழங்குவதற்கு முன்பாகவே, அரசு சட்டம் நிறைவே.ற்றி செய்திருக்க வேண்டும்.
ஆசிரியர்கள் மட்டுமல்ல. அனைத்து அரசு ஊழியர்களுக்கு பொருந்தும் வகையில் சட்டத் திருத்தம் கொண்டு வர வேண்டும்.
3
எழுத்தாளர் கழனியூரன் காலமானார்.

அவருக்கு எனது ஆழ்ந்த அஞ்சலி.
4.
உ.பி. புந்தேல்கண்ட் பகுதியில் குளம் கிணறுகள் தூர்வாரும் “ நீர்த் தோழிகள் ” பெண்கள் அமைப்பு.
தமிழ்நாட்டில் இதுபோன்று செயல்படும் பெண்கள் உள்ளதா?
ஆதாரம் ; தி இந்து – நாளிதழ் – 28-06-2017.
தகவல் ; ந.க. துறைவன்.
*

செய்திகள் என்ன சொல்லுது?
*

1.
அரசு விரைவு போக்குவரத்து கழகம். படுக்கைவசதி, ஏசி, வைபை
ஆகிய வசதிகளை பேருந்துகளில் அறிமுகம்.

அப்படியே கக்கூஸ் பாத்ரூம் வசதியும் செய்துட்டா. குடும்ப பேருந்து மாதிரி இருக்குமில்லே.
2.
ஜி 20 உச்சிமாநாட்டில், உலகத் தலைவர்களுடன் பிரதமர் மோடி சந்திப்பு.
உள்நாட்டிலே விவசாயி மக்களை மட்டும் சந்திக்கவே நேரமில்லை.
3.
தபால் – தந்தித் துறைப் பணியாளர் சங்கத்தின் தேசீயப் பொதுச்செயலராக நீண்ட காலம் பொறுப்பு வகித்து, ஓய்வு பெற்ற தோழர் டி.ஞானையா காலமானார்.
தோழருக்கு வீரவணக்கம். ஆழ்ந்த அஞ்சலி.

ஆதாரம் : தி இந்து – நாளிதழ் – 09-07-2017.
தகவல் : ந.க. துறைவன்.
*

செய்திகள் என்ன சொல்கிறது?
*

1.
இந்திய குடியரசு தலைவர் தேர்தலில் ராம்நாத் கோவிந்த் வெற்றி.

அவருக்கு மனமார்ந்த நல்வாழ்த்துக்கள்.
2.
சிறு வயதில் இருந்தபோது மண் சுவரால் சூழ்ந்த கூரை வீட்டில் வசித்தோம். மழை பெய்தால் வீட்டுக்குள் ஒழுகும். இதனால் மழை விடும் வரை நானும் எனது சகோதர, சகோதரிகளும் சுவர் ஓரம் ஒதுங்கி நிற்போம்.
நாடு முழுவதும் என்னைப்போல பலர், இன்றும் விவசாயி வேலையிலும், கூலிவேலையிலும் ஈடுபட்டுள்ளனர். அவர்கள் வயிற்றுப் பிழைப்புக்காக மழையில் நனைந்தும் வியர்வை சிந்தியும் கஷ்டப்படுகின்றனர். உங்கள் அனைவரின் பிரதிநிதியாக நான் குடியரசுத் தலைவர் அலுவலகத்திற்குச் செல்கிறேன். நாட்டு மக்கள் அனைவரும் மகிழ்ச்சியாக வளமுடன் வாழ அயராது பாடுபடுவேன்.
இந்த உறுதி மொழியோடு நாட்டுக்கு பணியாற்றினால் போதும். ஆனால் மக்களுக்கு எதிராக செயல்பட்டால் எல்லோரையும் போல நீங்களும் ரப்பர் ஸ்டாம்பு தான் என்பது உண்மையாகி விடும்.
3.
மாதவிடாய் காலத்தில் முதல்நாளில் பெண் பணியாளர்களுக்கு விடுமுறை. அறிமுகப்படுத்துகிறது “ மாத்ரு பூமி ” செய்தி நிறுவனம்.
பாராட்டுக்குரிய செயல்பாடு. இந்திய அரசு இதனை முன்னுதாரமாக எடுத்துக் கொண்டு செயல்பட வேண்டும்.
ஆதாரம். தி இந்து – நாளிதழ் – 21-07-2017.
தகவல் ; ந.க.துறைவன்.