டெல்லி பாதுகாப்பு பணியில் 41 பெண் கமாண்டோக்கள்

by rammalar Thu Aug 03, 2017 6:13 pm

வடகிழக்கு மாநிலங்களைச் சேர்ந்த சிறப்பு பயிற்சி பெற்ற
41 பெண் கமாண்டோக்கள் டெல்லி போலீஸில் சேர்க்கப்பட்டு
முக்கியமான பாதுகாப்பு பணிகளில் ஈடுபடுத்தப்பட உள்ளனர்.

வடகிழக்கு மாநிலங்களைச் சேர்ந்த 41 பெண் கமாண்டோக்கள்
டெல்லி போலீஸ் கான்ஸ்டபிள்களாக சேர்க்கப்பட்டுள்ளனர்.

அவர்களுக்கு இப்போது 4 மாத சிறப்பு கமாண்டோ பயிற்சி
அளிக்கப்பட்டு வருகிறது. ஏற்கெனவே 10 மாதம் கடுமையான
போலீஸ் பயிற்சியும் இவர்களுக்கு அளிக்கப்பட்டு அதில்
சிறப்பாக தேர்ச்சி பெற்றுள்ளனர்.

பெண்களின் இந்த புதிய கமாண்டோ படை அமைக்கும்
யோசனை டெல்லி போலீஸ் கமிஷனர் அமுல்யா பட்நாயக்
மனதில் உதயமானது.

சிறப்பு கமிஷனர் தேவேந்திர பதக் கூறுகையில்,
‘‘பெண் கமாண்டோக்கள் வெவ்வேறு பிரிவுகளில் நியமிக்கப்
படுவார்கள். பலர் தீவிரவாத எதிர்ப்பு பரக்ரம் வேன்களில்
பணியமர்த்தப்படுவார்கள். இப்போதைக்கு 10 வேன்களில்
ஒவ்வொரு பெண் கமாண்டோக்கள் நியமிக்கப்படுவார்கள்.

மேலும் 15 வேன்கள் சேர்க்கப்பட்டு அவற்றிலும் பெண்
கமாண்டோக்கள் நியமிக்கப்படுவார்கள்.

உதவி போலீஸ் கமிஷனர் அந்தஸ்துள்ள ஓ.பி.சர்மா என்பவர்
தலைமையில் இந்த பெண் கமாண்டோக்களுக்கு பயிற்சி
அளிக்கப்படுகிறது. ஓ.பி.சர்மா கூறுகையில்,
‘‘ஆபத்து காலங்களில் அபாய மணி அடித்தால் இந்த
கமாண்டோக்கள் ஆழ்ந்த தூக்கத்தில் இருந்தாலும்
ஆயுதங்களோடு ஒரே நிமிடத்தில் செயலாற்ற தயாராகி
விடுவார்கள்’’ என்றார்.

கமாண்டோக்கள் சில விநாடிகளில் உயரமான கட்டிடங்களில்
ஏறும் திறமை பெற்றவர்கள்.

டெல்லியின் பாதுகாப்பு பணியில் ஈடுபடுத்தப்பட உள்ள
இந்த பெண் கமாண்டோக்களுக்கு ஏகே- 47 ரக துப்பாக்கிகள்,
கையெறி குண்டுகள் உட்பட ஆயுதங்கள், உபகரணங்கள்
வழங்கப்பட உள்ளன.
-
-------------------------------
தி இந்து