2வது திருமணம் செய்து கொண்ட ஐபிஎஸ் அதிகாரி 'டிஸ்மிஸ்'

புதுடில்லி :
முதல் மனைவியை விவாகரத்து செய்யாமல், 2வது திருமணம்
செய்தவர் உள்பட 2 ஐ.பி.எஸ். அதிகாரிகளை மத்திய அரசு
பணிநீக்கம் செய்துள்ளது.

சத்தீஷ்கர் மாநிலத்தைச் சேர்ந்த ஐ.பி.எஸ். அதிகாரியான
ஜூரி என்பவர், தனது முதல் மனைவியை விவாகரத்து
செய்யாமல், 2வது திருமணம் செய்துள்ளார்.

ஜூரிக்கு பிறந்த 2 குழந்தைகளுக்கும், பரம்பரை சொத்தில்
உரிமை உள்ளதாக அறிவிக்கக் கோரி, 2வது மனைவி,
சத்தீஷ்கர் மாநில அரசுக்கு புகார் அளித்துள்ளார்.

இந்த புகாரை விசாரித்த மத்திய உள்துறை அமைச்சகம்,
சட்டவிரோதமாக 2வது திருமணம் செய்த குற்றத்திற்காக,
ஜூரிக்கு கட்டாய பணி ஓய்வு வழங்கியுள்ளது.

இதேபோல், லஞ்சம் தொடர்பான புகார்களை சரிவர
விசாரிக்காத சத்தீஷ்கர் மாநிலத்தைச் சேர்ந்த மற்றொரு
ஐ.பி.எஸ்., அதிகாரி அகர்வால் என்பவருக்கும், மத்திய
உள்துறை அமைச்சகம் கட்டாய பணி ஓய்வு வழங்கியுள்ளது.

இதேபோல், பல்வேறு புகார்களின் அடிப்படையில்,
ஐ.ஏ.எஸ்., ஐ.பி.எஸ். அதிகாரிகள் மீது நடவடிக்கை எடுக்க
மத்திய அரசு தீவிரம் காட்டி வருவதாகவும் தகவல்
வெளியாகியுள்ளது.
-
---------------------------------------------
தினமலர்