ஜெயலலிதா பாணியில் எடப்பாடி பழனிசாமி சொன்ன குட்டிக்கதை!

பெரம்பலூரில் நடந்த எம்.ஜி.ஆர் நூற்றாண்டு விழாவில்
மறைந்த முதல்வர் ஜெயலலிதா பாணியில்
எடப்பாடி பழனிசாமியும் ஒரு குட்டிக்கதை சொன்னார்.
-
''ஒருகாடு திடீரென தீப்பிடித்து எரிய ஆரம்பித்தது.
அதைக் கண்ட விலங்குகளும் பறவைகளும் அங்கிருந்து
ஓட்டம்பிடித்தன. ஆனால், ஒரு சிட்டுக்குருவி மட்டும்
தனது சிறிய அலகால் தண்ணீரைக் கொண்டுவந்து
ஊற்றித் தீயை அணைக்க முயற்சி செய்தது.
-
இதைக் கண்ட இறைவன், சிட்டுக்குருவியிடம்...
'உனது சிறிய அலகால் தண்ணீரைக் கொண்டுவந்து
எப்படிக் காட்டுத்தீயை அணைக்க முடியும்' எனக்
கேட்டார்.
-
அதற்கு அந்தக் குருவி, 'நான் பிறந்து வளர்ந்து வாழ
உதவியது இந்தக் காடு. அதற்கு ஆபத்து எனும்போது
அதை விட்டுவிட்டு ஓடுவது மிகத் துரோகம்.
-
என்னால் ஆனச் செயலைச் செய்து இந்தக் காட்டை
காப்பாற்ற முயல்கிறேன்' என்றது. இறைவன் அந்தக்
குருவியின் தியாகத்தையும் கடமை உணர்ச்சியையும்
கண்டு காட்டுத் தீயை அணைக்கச் செய்தார்.
-
அந்தச் சிட்டுக்குருவிபோல அ.தி.மு.க தொண்டர்கள்
தியாக உணர்வுடனும் விசுவாசத்துடனும் இருக்க
வேண்டும்'' என்றார்.
-
--------------------------------------
விகடன்