ராகுல், சோனியாவை தொடர்ந்து ‘மோடியை காணவில்லை’ என சுவரொட்டி வாரணாசியில் பரபரப்பு

வாரணாசி,

காங்கிரஸ் தலைவரான சோனியா காந்தி உத்தரபிரதேசத்தின்
ரேபரேலி தொகுதியில் இருந்தும், துணைத்தலைவர்
ராகுல் காந்தி அமேதி தொகுதியில் இருந்தும் பாராளுமன்றத்துக்கு
தேர்ந்தெடுக்கப்பட்டவர்கள் ஆவர்.

இவர்கள் தொகுதிக்கு செல்வதில்லை என அதிருப்தியடைந்த சிலர்
அவர்களுக்கு எதிராக சமீபத்தில் தனித்தனியாக ‘காணவில்லை’
என சுவரொட்டிகள் ஒட்டினர்.

இதன் தொடர்ச்சியாக தற்போது பிரதமர் மோடியை காணவில்லை
என அங்குள்ள வாரணாசி தொகுதியில் சுவரொட்டிகள் ஒட்டப்பட்டு
உள்ளன.

மோடியின் புகைப்படம் அடங்கிய அந்த சுவரொட்டியில்,
‘வாரணாசி எம்.பி.யான நரேந்திர மோடி, தனது சொந்த தொகுதியில்
இருந்து மாயமாகி உள்ளார். கடைசியாக மார்ச் 4 முதல் 6-ந் தேதி வரை
சட்டசபை தேர்தல் பிரசாரத்துக்காக தொகுதியில் இருந்த அவர்
பின்னர் மாயமாகி விட்டார்.

அவர் எங்கிருக்கிறார் என்பது தெரியவில்லை என்றால் காசி மக்கள்
புகார் கொடுக்க வேண்டியிருக்கும்’ என்று கூறப்பட்டு இருந்தது.

மேலும் ‘நீங்கள் (மோடி) எந்த நாட்டுக்கு போயிருக்கிறீர்கள்?
என்பது யாருக்கும் தெரியாது’ எனவும் கிண்டலாக குறிப்பிடப்பட்டு
இருந்தது. வாரணாசியில் பரபரப்பை ஏற்படுத்திய இந்த
சுவரொட்டிகளை ஒட்டியது யார்? என்பது குறித்த தகவல் இல்லை.

எனினும் ஒட்டப்பட்டு இருந்த மொத்த சுவரொட்டிகளையும் போலீசார்
இரவோடு இரவாக கிழித்து எறிந்தனர். 
-
-------------------------------
தினத்தந்தி