ஆணிவேர்! – கவிதை

-
விழுதுகளை தாங்கும்
வேர்கள் ஆசிரியர்கள்!
-
சமுதாயம் என்ற - ஆலமரத்தின்
ஆணிவேர் ஆசிரியர்கள்!
-
வேர்கள் வெளியே தெரிவதில்லை
சுதந்திரமாய் விருட்சப்பூக்கள்!
-
அடித்தளம்
தன்னை வெளிக்காட்ட
விரும்புவதில்லை!
விரும்பினால்...
ஆபத்து கட்டடத்திற்குத்தான்!
-
இவர்களுக்கு தேசியவிருதெல்லாம்
ஒரு பொருட்டல்ல
மாணவனின் மதிப்பெண் பட்டியலே
மாசற்ற விருது!
-
மாதா, பிதா, குரு, தெய்வம்
பட்டியலில் கடவுளுக்கே
கடைசி இடம் தான்!
-
ஆசிரியர்கள்
ஏற்றிவிட மட்டுமே தெரிந்த
ஏணிப்படிகள்...
தூக்கிவிட மட்டுமே தெரிந்த
மின்தூக்கிகள்!
-
'ஆசு - இரியர்'
குற்ற இருளை விரட்டும்
வெளிச்ச விளக்கு!
-
விளக்கிற்கு ஏது இருட்டு
என்றும் விடியலை
காட்டும் ஆசிரியர்களுக்கு
நல்வாழ்த்து!
-
-------------------------
— ஜீவகங்கை, சென்னை
வாரமலர்

ஏணிகள் தூக்கி விடுவதற்குத்தான்.
ஏரிய பிறகு ஏணியை திரும்பிப் பாருங்கள்
அது இன்னொரு தலைமுறையை
தூக்கி வீட்டுக் கொண்டிருக்கும்.
ஆசிரியர்கள் தலைமுறைக் கடந்தவர்கள்

09.13.2017 - க. ச. கோபால கிருஷ்ணன், நிறை இலக்கிய வட்டம், ஹைதெராபாத் - 500056