குன்னூரில் துவங்கியது துரியன் பழம் சீசன்

குன்னூரில் துவங்கியது துரியன் பழம் சீசன்

குன்னுார்: குன்னுார் பர்லியாரில் துரியன் பழ சீசன், இந்தாண்டு காலதாமதமாக துவங்கியுள்ளது.நீலகிரி மாவட்டம், குன்னுார் பர்லியார் அரசு தோட்டக் கலை பண்ணையில், 33 துரியன் பழமரங்கள் உள்ளன.
இங்கு ஆண்டுதோறும் பிப்., மற்றும் மார்ச் மாதங்களில், முதல் சீசனும், ஆகஸ்ட், செப்., மாதங்களில், இரண்டாவது சீசனும் துவங்கும். தற்போது, 200க்கும் மேற்பட்ட காய்கள், மரங்களில் உள்ளன. ஓரிரு வாரங்களில் பழுக்கும் என, எதிர்பார்க்கப்படுகிறது.

இங்குள்ள தனியார் தோட்டங்களில், தற்போது, துரியன் பழங்கள் விற்பனைக்கு வந்துள்ளன. முன்பதிவு செய்யப்பட்டு, கிலோ, 750 ரூபாய் வரை விற்பனை செய்யப்படுகிறது. பர்லியார் பண்ணையில் பழங்கள் விற்பனை துவங்கினால், இதன் விலை குறைய வாய்ப்பு உள்ளது.துரியன் பழம், அதிக மருத்துவ குணங்கள் கொண்டது. இதை சாப்பிடுவதால், நோய் எதிர்ப்பு சக்தி அதிகரித்து, உடல் வலுவடையும்.

செரிமான சக்தியை துாண்டும்; மலச்சிக்கலை நீக்கும். உயிரணுக்கள் அதிகரித்து, குழந்தை பேறுக்கு உதவும் என்பதால், இதற்கு மவுசு அதிகம்.

தினமலர்