கண்ட்லா துறைமுகம் பெயர் மாற்றம்

புதுடில்லி:
குஜராத் மாநிலத்தில் உள்ள, கண்ட்லா துறைமுகம்,
'தீன்தயாள் துறைமுகம்' என, பெயர் மாற்றம் செய்யப்
படுகிறது.

குஜராத் மாநிலத்தில், 40 துறைமுகங்கள் உள்ளன.
நம் நாட்டின் மிகப் பெரிய துறைமுகங்களில் ஒன்றான,
கண்ட்லா துறைமுகம், கட்ச் மாவட்டத்தில் அமைந்துள்ளது.

சமீபத்தில், இந்த துறைமுகத்தில் நடந்த, பல்வேறு
திட்டங்களின் துவக்க விழாவில் பங்கேற்ற, பிரதமர்
நரேந்திர மோடி, கண்ட்லா துறைமுகத்தின் பெயரை,
'பண்டிட் தீன்தயாள் துறைமுகம்' என பெயர் மாற்றம்
செய்ய பரிந்துரைத்தார்.

அவரது பரிந்துரைப்படி, துறைமுகத்தின் பெயர்
மாற்றத்துக்கு, மத்திய அமைச்சரவை ஒப்புதல் அளித்தது.
தீன்தயாள், பாரதிய ஜனசங்கத்தின் தலைவர்களில்
முக்கியமானவர்.
-
---------------------------------------
தினமலர்