காற்றை நம்பி போன பூ!' - முதல்வர் சொன்ன குட்டி கதை

'ஒரு கிராமத்தில் ஒரு பெரிய மரம் இருந்தது.
அந்த மரத்தில் இலைகளும், பூக்களும் பூத்து குலுங்கின.
பூக்கள் தன் நறுமண வாசனையை பரப்பிக்
கொண்டிருந்தன.

அந்த கிராம மக்கள் அனைவரும் அந்த மரத்தடியில் அமர்ந்து
பூக்களின் நறுமண வாசனையை நுகர்ந்து கொண்டிருந்தார்கள்.

இதனால் மரத்தில் இருந்த ஒரு பூ என் வாசனைக்காகத் தான்
மக்கள் இந்த மரத்தடியில் வந்து அமருகிறார்கள் என்று கர்வம்
கொண்டது.

அப்போது காற்று வந்து 'இந்த கிராம மக்கள் உன்னுடைய
இனிய வாசனைக்காகத் தான் மரத்தடியில் வந்து அமருகிறார்கள்.
ஆனால் அதன் பெருமையும், சிறப்பும் மரத்திற்கு சென்று
விடுகிறது. அந்த பெருமையும், சிறப்பும் முழுமையாக உனக்கு
கிடைக்கவில்லை. என்னோடு வந்தால் உன்னை புகழின்
உச்சத்திற்கு கொண்டு செல்லுவேன்’ என்றது.

அந்த காற்றின் பேச்சை கேட்டு அந்த பூவும் மரத்தை விட்டு விலகி
செல்ல முடிவு செய்து, மரத்தை விட்டு பிரிந்து சென்றது.
காற்றின் இயல்பு வேகமாகவும், மெதுவாகவும் வீசும் என்பதை
அறியாத அந்த பூ, காற்று சற்று நேரத்தில் மெதுவாக வீசத்
தொடங்கியது.

பூ கீழே மண்ணில் விழுந்து வாசனை இழந்து காய்ந்து போனது.
-
---------------------------
நன்றி- விகடன்