10 வெள்ளி அம்புகள் பரிசு... வக்பு வாரியம் அறிவிப்பு

-

லக்னோ:

அயோத்தி ராமர் சிலைக்கு, மரியாதை செலுத்தும் வகையில்,
10 வெள்ளி அம்புகளை பரிசாக அளிக்க உள்ளதாக, உ.பி., மாநில,
ஷியா மத்திய வக்பு வாரியம் அறிவித்துள்ளது.

உ.பி.,யில், பா.ஜ.,வை சேர்ந்த, யோகி ஆதித்யநாத் முதல்வராக
உள்ளார். அயோத்தியி சர்ச்சைக்குரிய, ராமஜென்ம பூமியில்,
ராமர் கோவில் கட்டுவதற்கான முயற்சிகள் மேற்கொள்ளப்பட்டு
வருகின்றன.

இந்நிலையில், உ.பி., மாநில, ஷியா மத்திய வக்பு வாரிய தலைவர்,
வாசீம் ரிஸ்வி, லக்னோவில், நிருபர்களிடம் கூறியதாவது:

அயோத்தியில், ராமர் சிலையை நிறுவ, உ.பி., அரசு எடுத்துள்ள
முடிவு பாராட்டத்தக்கது. ராமர் சிலைக்கு உரிய மரியாதை
செலுத்தும் வகையில், வெள்ளியால் செய்யப்பட்ட,
10 அம்புகளை பரிசாக அளிக்க முடிவு செய்துள்ளோம்.

ராமர் சிலை நிறுவுவதன் மூலம், உலக வரைபடத்தில், உ.பி.,க்கு
முக்கியத்துவம் கிடைக்கும். இந்த பிராந்தியத்தை ஆண்ட,
முஸ்லிம் நவாப்புகள், அயோத்தியில் உள்ள இந்து கோவில்கள்
மீது மிக்க மரியாதை வைத்திருந்தனர்.

இவ்வாறு அவர் தெரிவித்துள்ளார்.

---------------------------------------
டெய்லி ஹண்ட் செய்திகள்