2000 ரூபாய் நோட்டில் காந்திக்குப் பதில் மோடியின் படம்!

கர்நாடகா: பாஜக கட்சியினர் அனுதினமும் பாஜகவைப் பற்றியும் மோடியைப் பற்றியும் புகழ் பாடுவதையே வேலையாகக் கொண்டு செயல்பட்டு வருகின்றனர்.

இந்நிலையில், கர்நாடக மாநிலம் பொம்மனஹள்ளி தொகுதி பாஜக எம்எல்ஏ சதீஸ் ரெட்டி, தனது தொகுதியில் கட்டப்பட்டுள்ள பேட்மிண்டன் அரங்கத்தின் திறப்பு விழா அழைப்பிதழை 2000 ருபாய் நோட்டைப் போல் வடிவமைத்துள்ளார். அதில் காந்தியின் படத்திற்குப் பதிலாக மோடியின் படத்தை வைத்துள்ளார்.

முன்பக்கத்தில் மோடியின் படம், விழா நடைபெறும் இடம், நேரம் மற்றும் விருந்தினர் பெயர்கள் இடம்பெற்றுள்ளது. பின்பக்கத்தில் பொம்மனஹள்ளி தொகுதியில் மேற்கொண்ட நலப்பணிதிட்டங்களும், மோடியின் திட்டங்களும் வரிசைப்படுத்தப்பட்டுள்ளன.

மேலும், அதில் தொடர்பு கொள்வதற்கான போன் எண்களும் வழங்கப்பட்டுள்ளன. இந்த வித்தியாசமான அழைப்பிதழ் தற்போது இணையத்தில் வைரலாகி வருகிறது.

சமயம் -செய்திகள்