4 நாட்களில் துவங்குது வடகிழக்கு பருவ மழை

இந்த ஆண்டு ஒட்டு மொத்தமாக நாட்டின் தண்ணீர் தேவைக்கு
போதிய மழை கொடுத்த தென்மேற்கு பருவ மழை முடிவுக்கு
வருகிறது.

தமிழகம், கர்நாடகா, கேரளாவில் பெரும்பாலும் மழை விலகி
உள்ளது.

இந்த மழையின் இறுதியாக வங்கக் கடலின் மத்திய பகுதியில்
உருவான காற்றழுத்த தாழ்வு பகுதி காற்றழுத்த தாழ்வு
மண்டலமாக வலுப்பெற்று ஒடிசாவை நோக்கி நகர்ந்தது.

நேற்று மேற்கு வங்கம் - வங்கதேசம் இடையே கரையை கடந்து
காற்றழுத்த தாழ்வு பகுதியாக வலுவிழந்து உள்ளது.

இதனால் தமிழகம் உள்ளிட்ட கிழக்கு கடலோர மாநிலங்களில்
புயல் அச்சம் நீங்கி காற்றின் திசை மாறி உள்ளதாக வானிலை
ஆய்வாளர்கள் கணித்துள்ளனர்.

'இன்னும் நான்கு நாட்களில் மேற்கிலிருந்து வீசும் காற்று நின்று
கிழக்கு காற்று வலுப்பெறும்; வடகிழக்கு பருவ மழைக்காலம்
துவங்கும்' என, வானிலை ஆய்வாளர்கள் கருதுகின்றனர்.
-
------------------
தினமலர்