தமிழகம் ராமேஸ்வரம்-மதுரை ரயிலில் 300 பயணிகள் ‘ஓசி ட்ரிப்’

மண்டபம்:
ராமேஸ்வரத்தில் இருந்து மதுரை வந்த ரயிலில் 300க்கும் மேற்பட்ட
பயணிகள் டிக்கெட் இல்லாமல் வந்திருந்தனர். ராமேஸ்வரத்திலிருந்து
மதுரைக்கு தினமும் அதிகாலை 5.30 மணிக்கு பாசஞ்சர் ரயில்
இயக்கப்படுகிறது.

நேற்று ராமேஸ்வரத்திலிருந்து மதுரைக்கு புறப்பட்ட ரயிலில்,
பயணம் செய்ய 300க்கும் மேற்பட்ட பயணிகள்
ராமேஸ்வரம் ரயில் நிலையத்தில் டிக்கெட் வாங்க காத்திருந்தனர்.

அப்போது ஊழியர் ரோகித்குமாருக்கு நெஞ்சுவலி ஏற்பட்டதாக கூறி,
ராமேஸ்வரம் அரசு மருத்துவமனைக்கு அழைத்து செல்லப்பட்டார்.

டிக்கெட் வழங்க வேறு ஊழியர்கள் இல்லாததால், பயணிகள்
அதிகாரிகளிடம் வாக்குவாதத்தில் ஈடுபட்டனர். பின்னர் டிக்கெட்
வாங்காமல் ஓசி பயணம் மேற்கொண்டனர். பயணிகள் கூறும்போது,
‘‘போதையில் ஊழியர் இருந்ததாகவும், அவரை மருத்துவமனைக்கு
கொண்டு சென்றிருப்பதாகவும் சிலர் தெரிவித்தனர்.

இதனால் டிக்கெட் வாங்காமல் பயணித்தோம். இதுகுறித்து விசாரிக்க
வேண்டும்” என்றனர்.
-
---------------------------
தினத்தந்தி