முதுநிலை, 'நீட்' தேர்வு நவ., 27 வரை அவகாசம்

சென்னை:
'முதுநிலை படிப்புக்கான, 'நீட்' நுழைவுத் தேர்வுக்கு,
நவ., 27 வரை, பதிவு செய்யலாம்' என, தேசிய தேர்வு
வாரியமான, என்.பி.இ., அறிவித்துள்ளது.

எம்.பி.பி.எஸ்., - பி.டி.எஸ்., மருத்துவம் படிக்கும் மாணவர்கள்,
முதுநிலை படிப்பில் சேர, 'நீட்' தேர்வு நடத்தப்படுகிறது.
இதில், எம்.டி., - எம்.எஸ்., படிப்புகளுக்கு தனியாகவும்,
எம்.டி.எஸ்., படிப்புக்கு தனியாகவும், தேர்வு நடத்தப்படுகிறது.

வரும் கல்வி ஆண்டில், முதுநிலை படிப்பில் சேர்வதற்கான
தேர்வு, ஜன., ல், கணினி வழி தேர்வாக நடத்தப்படுகிறது.
தேர்வுக்கான, 'ஆன் - லைன்' பதிவு, அக்., ல் துவங்கியது;

நவ., 27 வரை விண்ணப்பிக்கலாம் என, அறிவிக்கப்பட்டு
உள்ளது. கூடுதல் விபரங்களை, www.nbe.edu.in என்ற
இணையதளத்தில் தெரிந்து கொள்ளலாம்.
-
-------------------------------
தினமலர்