காளையின் தாக்குதலில் இருந்து எம்.பி. ஹேமமாலினி தப்பிய விவகாரம்: ரெயில்வே மேலாளர் சஸ்பெண்டு

மதுரா,

உத்தர பிரதேசத்தின் மதுரா தொகுதியை சேர்ந்த பாரதீய ஜனதா
எம்.பி. ஹேமமாலினி. இவர் மதுரா ரெயில்வே நிலையத்தினை
சீரமைப்பதற்கான சாத்தியக்கூறுகளை ஆய்வு செய்வதற்காக
சென்றுள்ளார்.

இந்த நிலையில், ரெயில்வே நிலையத்தில் இருந்த காளை ஒன்று
அவரை தாக்க முயன்றுள்ளது. ஆனால் அதில் இருந்து அவர்
தப்பிவிட்டார்.

இந்நிலையில் ரெயில்வே நடைமேடையில் வந்த காளையை
தடுக்காமல் இருந்ததற்காக ரெயில்வே நிலைய மேலாளர்
கே.எல். மீனா சஸ்பெண்டு செய்யப்பட்டுள்ளார்.

இந்த விவகாரத்தில் விசாரணைக்கு உத்தரவிடப்பட்டு உள்ளது
என்று வடக்கு மத்திய ரெயில்வே மண்டல வர்த்தக மேலாளர்
சஞ்சித் தியாகி கூறியுள்ளார்.

கே.எல். மீனாவுக்கு பதிலாக பி.எல். மீனா மதுரா ரெயில் நிலைய
மேலாளர் பொறுப்பினை வகித்திடுவார் என்றும் அவர் கூறியுள்ளார்.
-
-----------------------
தினத்தந்தி