நாட்டில் முதன்முறையாக திருநங்கையருக்கு தனி கழிப்பறை

சண்டிகர்:
நாட்டில் முதன்முறையாக, பஞ்சாப் பல்கலைக் கழகத்தில்,
திருநங்கையர் பயன்பாட்டுக்கு, தனி கழிப்பறை கட்டப்பட்டு உள்ளது.

பஞ்சாபில், முதல்வர் அமரீந்தர் சிங் தலைமையில், காங்., ஆட்சி
நடக்கிறது. இங்கு செயல்படும் பஞ்சாப் பல்கலையில், தற்போது,
ஐந்து திருநங்கையர் படிக்கின்றனர்.

உச்ச நீதிமன்றத்தின் வழிகாட்டுதலின்படி, தங்களுக்கு தனி கழிப்பறை
வசதி வேண்டுமென, இவர்கள் கோரிக்கை வைத்தனர்.

இந்த கோரிக்கையை ஏற்ற, பல்கலைக் கழக நிர்வாகம், ஒவ்வொரு
துறையிலும், திருநங்கையருக்கென தனி கழிப்பறை அமைக்க,
23 லட்சம் ரூபாய் நிதி ஒதுக்கியது.

தற்போது, 4.60 லட்சம் ரூபாய் செலவில், ஒரு கழிப்பறை கட்டப்பட்டு
உள்ளது. இந்த ஆண்டு இறுதிக்குள், மேலும் நான்கு கழிப்பறைகள்
கட்டி முடிக்கப்படும் என, பல்கலை நிர்வாகம் கூறியுள்ளது.
-
-------------------------------
தினமலர்