இந்தியர்களுக்கு விசா விதிகளை தளர்த்த ஜப்பான் முடிவு

புதுடில்லி:
ஜப்பான் நாட்டிற்கு செல்லும் இந்திய வணிகர்கள் மற்றும்
சுற்றுலா பயணிகளுக்காக விசா விதிமுறைகளை தளர்த்த
ஜப்பான் முடிவு செய்துள்ளது.

இது குறித்து ஜப்பான் தூதரகம் வெளியிட்டுள்ள செய்தி
குறிப்பில் கூறப்பட்டுள்ளதாவது:இருநாட்டு இடையேயான
நல்லுறவை மேம்படுத்தும் வகையில் விசா நடைமுறைகளை
தளர்த்த அந்நாட்டு அரசு முடிவு செய்துள்ளது.

இந்த புதிய விதி முறை வரும் ஜனவரி 1-ம் தேதி முதல்
அமல்படுத்தப்பட உள்ளது.

இதன்படி கடந்த ஒரு ஆண்டில் அதிகபட்சமாக இரண்டுமுறை
ஜப்பான் சென்றவர்களுக்கு 5 ஆண்டுகள் செல்லத்தக்க மற்றும்
90 நாட்கள் ஜப்பானில் தங்கி கொள்ளும் வகையிலான
புதிய விசா எடுத்து கொள்ளலாம்.

இந்த புதிய விதிகள் சுற்றுலா பயணிகள் ,வணிகர்களுக்கு
உதவியாக இருக்கும் என கூறப்படுகிறது.
–
———————————-
தினமலர்