தீபிகாவின் மூக்கை வெட்டுவோம்! ராஜபுத்திர அமைப்பு கடும் மிரட்டல்

-
மும்பை: '
பத்மாவதி படத்துக்கு வக்காலத்து வாங்கும், நடிகை
தீபிகா படுகோனேவின் மூக்கை வெட்டுவோம்' என,
ராஜபுத்திர கர்னி சேனா அமைப்பு, பகிரங்கமாக மிரட்டல்
விடுத்து உள்ளது.


மிரட்டல்:

பாலிவுட்டின் பிரபல இயக்குனர், சஞ்சய் லீலா பன்சாலி,
ராஜபுத்திர வம்சத்தைச் சேர்ந்த, ராணி பத்மினியின்
கதையை மையமாக வைத்து பத்மாவதி என்ற படத்தை
படமாக்கி உள்ளார்.

இந்த படம், அடுத்த மாதம் வெளியாகிறது.
இப்படத்தில், ராஜபுத்திர சமூகத்தினரை இழிவுபடுத்தும்
வகையிலான காட்சிகள் இருப்பதாகக் கூறி, அந்த சமூகத்தினர்
போராட்டம் நடத்தி வருகின்றனர்.

இந்நிலையில், 'பத்மாவதி படம் வெளியாவதை, யாராலும்
தடுத்து நிறுத்த முடியாது' என, தீபிகா தெரிவித்திருந்தார்.
இதற்கு, ராஜபுத்திர கர்னி சேனா என்ற அமைப்பு, பகிரங்க
மிரட்டல் விடுத்துள்ளது.


மூக்கை வெட்டுவோம்:
‛சூர்ப்பனகையின் மூக்கை, லட்சுமணன் வெட்டியது போல்,
நாங்கள், தீபிகாவின் மூக்கை வெட்டுவோம்' என அந்த
அமைப்பின் ராஜஸ்தான் தலைவர் மிரட்டல் விடுத்துள்ளார்.

படம் வெளியாகும் அன்று, நாடு தழுவியளவில், 'பந்த்'
நடத்தப்படும் எனவும் அவர் தெரிவித்துள்ளார்.
-
--------------------------------
தினமலர்