டிசம்பர் 16ம் தேதி காங்கிரஸ் தலைவராகிறார் ராகுல் காந்தி

by rammalar Mon Nov 20, 2017 7:51 pm

டெல்லி:
டெல்லியில் நடந்த காங்கிரஸ் செயற்குழுக் கூட்டத்தில் தலைவர்
தேர்தல் குறித்து முடிவு எடுக்கப்பட்டுள்ளது. காங்கிரஸ் கட்சியின்
புதிய தலைவராக ராகுல் காந்தி டிசம்பர் 16ம் தேதி
தேர்ந்தெடுக்கப்பட உள்ளார்.

காங்கிரஸ் தலைவராக ராகுல் காந்தி போட்டியின்றி தேர்வு
செய்யப்பட உள்ளார். டிசம்பர் 4ம் தேதி தலைவர் பதவிக்கான
மனு தாக்கல் செய்ய கடைசி நாள் என்று அறிவித்துள்ளனர்.

காங்கிரஸ் கட்சியின் செயற்குழு கூட்டம் டெல்லியில் நடை
பெற்றது. சோனியா காந்தி தலைமையில் நடைபெறும் கூட்டத்தில்
மன்மோகன்சிங், ராகுல் காந்தி பங்கேற்றனர். காங்கிரஸ் கட்சித்
தலைவராக ராகுல் காந்தி தேர்வு செய்யப்படுவார் என்று தகவல்
வெளியாகியுள்ளது.

காங்கிரஸ் கட்சியின் மூத்த தலைவர்கள் அனைவரும் செயற்
குழுவில் ஆலோசனை மேற்கொண்டுள்ளனர்.

டிசம்பர் முதல்வாரத்தில் கட்சியின் தலைவராக ராகுல் பதவியேற்க
வாய்ப்புள்ளதாக தெரிகிறது. காங்கிரஸ் கட்சியின் அகில இந்திய
தலைவராக சோனியா காந்தி செயல்பட்டு வருகிறார்

. சுமார் 19 ஆண்டுகாலம் இப்பதவியை வகித்து வருகிறார்.
இந்நிலையில், ராகுல் காந்தியை கட்சியின் தலைவராக்க
வேண்டுமென மூத்த தலைவர்கள் தொடர்ந்து வலியுறுத்தி வந்தனர்.
இதை சோனியா காந்தியும் ஏற்றுக் கொண்டார்.

ராகுலுக்கு விரைவில் தலைவர் பதவி கிடைக்கும் என எதிர்பார்த்த
நிலையில் அது தள்ளிப்போய் கொண்டே வந்தது. குஜராத் தேர்தல்
நெருங்கி வரும் நிலையில், அதற்கு முன்னதாகவே ராகுலை
தலைவராக அறிவிக்க கட்சி தலைமை முடிவு செய்துள்ளது.

2013ம் ஆண்டு கட்சியின் துணைத் தலைவரானார் ராகுல்.
கட்சியை பலப்படுத்தும் பணியில் ஈடுபட்டுள்ள ராகுல் காந்தி,
தற்போது குஜராத் தேர்தலில் தீவிர பிரசாரத்தில் ஈடுபட்டு
வருகிறார்.

இதனால் காங்கிரசின் செல்வாக்கு கணிசமாக உயர்ந்துள்ளது.
இந்த தேர்தலில் ஆளும் பாஜ, காங்கிரஸ் இடையே கடும் போட்டி
நிலவுகிறது. ராகுல் தலைவராகும் பட்சத்தில், வருகிற
நாடாளுமன்ற தேர்தலில், பாஜவுக்கு பெரும் சவாலாக விளங்குவார்
என காங்கிரஸ் தலைவர்கள் தெரிவித்துள்ளனர்.
-
--------------------------------------
தினகரன்