அடுத்தது பால் வியாபாரம் ம.பி., முதல்வர் அசத்தல்

-
விதிஷா:
பழம், மலர் சாகுபடியைத் தொடர்ந்து, பால் வியாபாரத்திலும்,
மத்திய பிரதேச மாநில முதல்வர் சிவ்ராஜ் சிங் சவுகான்,
ஈடுபட உள்ளார்.

மத்திய பிரதேசத்தில், முதல்வர் சிவ்ராஜ் சிங் சவுகான்
தலைமையிலான, பா.ஜ., ஆட்சி நடக்கிறது. முதல்வர்
சவுகானுக்கு சொந்தமான, பண்ணையில், விளையும், பழம்
மற்றும் மலர்களை வெளிநாடுகளுக்கு ஏற்றுமதி செய்யும்
பணியில், முதல்வரின் மகன் ஈடுபட்டுள்ளார்.

இந்நிலையில், சேர்கேடா பகுதியில் உள்ள, தன் பண்ணை
வீட்டில், 6.50 கோடி ரூபாயில், பால் பண்ணையை, முதல்வர்
சவுகான் நிறுவிஉள்ளார்.

இதுகுறித்து, பால்வளத் துறை அமைச்சர் மீனா கூறியதாவது:
பண்ணை வீட்டில் துவங்கப்படும், பால் மற்றும் பால் பொருட்கள்
தயாரிப்புக்காக, வெளிநாடு மற்றும் உள்நாட்டில் இருந்து,
200 பசுக்கள் வாங்கப்படுகின்றன.

முதற்கட்டமாக, 20 பசு மாடுகள் பெங்களூரில் இருந்து
வந்துள்ளன. வெளிநாட்டு மாடுகள், தினமும், மூன்று முறை
பால் தரக்கூடியவை. மற்ற பசுக்கள் தினமும், 30 - 40 லிட்டர்
பால் தரக்கூடியவை.

அடுத்த ஆண்டு முதல், 'சாஞ்சி' என்ற பெயரில், பால்
பாக்கெட்டுகள், பால் பொருட்கள், இனிப்புகள், தயிர், நெய்
போன்ற உணவுப் பொருட்கள் தயாரிக்கப்பட உள்ளன.
இதற்கான ஆலையும் நிறுவப்பட்டு வருகிறது.இவ்வாறு அவர்
கூறினார்.
-
----------------------------------
தினமலர்