இறந்த நாள் எது என்பது சந்தேகம் : ஜெ. நினைவு தினத்தை அரசு சார்பில் அனுசரிக்க தடை கோரி மனு

சென்னை:
ஜெயலலிதா நினைவு தினத்தை அரசு சார்பில் அனுசரிக்க
தடை கோரி சென்னை உயர்நீதிமன்றத்தில் முறையீடு
செய்யப்பட்டுள்ளது. நீதிபதி சிவஞானம், சுந்தர் அமர்வு முன்
வழக்கறிஞர் துரைசாமி முறையிட்டுள்ளார்.


டிசம்பர் 5-ம் தேதி தான் ஜெயலலிதா இறந்தார் என்பதில்
சந்தேகம் உள்ளது என வழக்கறிஞர் மனுவில் கூறியுள்ளார்.
ஜெயலலிதா மரணம் தொடர்பாக விசாரணை கமிஷன்
அமைக்கப்பட்டுள்ளதால் நினைவு தினத்தை அனுசரிக்கக்
கூடாது என்று தெரிவித்துள்ளார்.


இதனை மனுவாக தாக்கல் செய்ய வழக்கறிஞருக்கு
உயர்நீதிமன்ற நீதிபதிகள் அறிவுறுத்தியுள்ளனர்.


அரசு சார்பில் சென்னை அண்ணா சிலையில் இருந்து
டிசம்பர் 5-ம் தேதி ஊர்வலமாகச் சென்று கட்சியும்,
ஆட்சியும் காத்திட வழிநடத்துவோம் என ஜெயலலிதா
நினைவிடத்திற்கு உறுதிமொழி ஏற்போம் என்று
அதிமுக சார்பில் தெரிவிக்கப்பட்டிருந்தது.


இந்நிலையில் ஜெயலலிதா நினைவு தினத்தை அரசு
சார்பில் அனுசரிக்க தடை கோரி உயர்நீதிமன்றத்தில்
முறையீடு செய்யப்பட்டுள்ளது குறிப்பிடத்தக்கது.
-
---------------------------------------
தினகரன்