'ஏர் - இந்தியா' மேனேஜரை அறைந்த பெண் பயணி

புதுடில்லி
:டில்லி விமான நிலையத்தில், பெண் பயணிக்கும், 'ஏர் - இந்தியா'
விமான நிறுவன, டூட்டி மேனேஜரான பெண்ணுக்கும் இடையே
ஏற்பட்ட தகராறு காரணமாக, இருவரும், ஒருவரை ஒருவர்
கன்னத்தில் அறைந்தனர்.

குஜராத் மாநிலம், ஆமதாபாதைச் சேர்ந்த பெண் ஒருவர்,
ஏர் - இந்தியா விமானத்தில் ஏறுவதற்காக, நேற்று, டில்லி
விமான நிலையத்துக்கு வந்தார். அங்கு பணியிலிருந்த,
ஏர் - இந்தியா ஊழியர்கள், தாமதமாக வந்ததாக கூறி, அந்த
பெண்ணை, விமானத்தில் ஏற, அனுமதி மறுத்தனர்.
இரு தரப்புக்கும் வாக்குவாதம் ஏற்பட்டது.

விமான நிறுவன ஊழியர்கள், இது தொடர்பாக, ஏர் - இந்தியா
டூட்டி மேனேஜரான பெண்ணிடம் புகார் அளித்தனர். இதையடுத்து,
மேனேஜருக்கும், பெண் பயணிக்கும் வாக்குவாதம் முற்றி,
கை கலப்பு ஏற்பட்டது. ஆத்திரமடைந்த பெண் பயணி, மேனேஜரை,
கன்னத்தில் ஓங்கி அறைந்தார்.

பதிலுக்கு, மேஜேனரும், அந்த பெண்ணை அறைந்தார்.
இந்த விவகாரம், போலீசாரின் கவனத்துக்கு சென்றது.
போலீசார், இருவரையும் சமாதானப்படுத்தினர்.

இருவரும், பரஸ்பரம் மன்னிப்பு கேட்டதை அடுத்து, பிரச்னை
முடிவுக்கு வந்தது.

-----------------------------------------
தினமலர்