எம்.பி.,க்களுக்கு, 'ஜாக்பாட்' அமைச்சரவை ஒப்புதல்

புதுடில்லி,
சபாநாயகர் தவிர, லோக்சபாவில், நியமன, எம்.பி.,க்கள்
இருவர் உட்பட, 536 பேரும், ராஜ்யசபாவில், 239 எம்.பி.,க்களும்
உள்ளனர்.

இவர்களுக்கு மாத அடிப்படை சம்பளமாக, 50 ஆயிரம்
ரூபாயும், தொகுதி அலவன்சாக, 45 ஆயிரம் ரூபாய் மற்றும்
இதர படிகளும் வழங்கப்படுகின்றன.

இது தவிர, எம்.பி.,யானவுடன் ஒரு முறை, பர்னிச்சர்
அலவன்சாக, 75 ஆயிரம் ரூபாய் வழங்கப்படுகிறது.

மத்திய அரசு, ஒவ்வொரு, எம்.பி.,க்கும் மாதந்தோறும்,
2.7 லட்சம் ரூபாய் செலவிடுகிறது.இந்நிலையில், பட்ஜெட்
தாக்கலின்போது பேசிய நிதி அமைச்சர், அருண் ஜெட்லி,
ஐந்தாண்டுகளுக்கு ஒரு முறை, எம்.பி.,க்களின் சம்பள
விகிதத்தை மாற்றியமைக்கும் நடைமுறை
செயல்படுத்தப்படும் என்றும், அது பணவீக்கத்துடன்
இணைக்கப்படும் என்றும் அறிவித்தார்.

இதையடுத்து, எம்.பி.,க்களுக்கான தொகுதி அலவன்ஸ்,
60 ஆயிரம் ரூபாயாகவும், பர்னிச்சர் அலவன்ஸ் ஒரு லட்சம்
ரூபாயாகவும் உயர்த்துவதற்கான, பார்லி., விவகார
அமைச்சகத்தின் மசோதாவுக்கு, மத்திய அமைச்சரவை
நேற்று ஒப்புதல் அளித்தது.
-
---------------------------------------
தினமலர்