ஸ்ரீதேவி உடல் தகனம்: அரசு மரியாதையுடன் இறுதிச் சடங்கு; ஆயிரக்கணக்கானோர் கண்ணீர் அஞ்சலி

பிப் - 28

ஸ்ரீதேவியின் இறுதிச் ஊர்வலம் பிற்பகல் 2 மணியளவில் தொடங்கியது.
வில்லே பார்லி சேவா சமாஜ் தகன மையம் வரை நடந்த ஊர்வலத்தில்
ஏராளமானோர் பங்கேற்றனர்.


இந்த ஊர்வலத்தில் ஏராளமான பொதுமக்கள், ரசிகர்கள் என
ஆயிரக்கணக்கானோர் கலந்து கொண்டனர். பின்னர் ஸ்ரீதேவியின்
உடல் வில்லே பார்லி சேவா சமாஜ் தகன மையத்திற்கு கொண்டு
செல்லப்பட்டது. அங்கு அவரது உடலுக்கு இறுதிச் சடங்கு நடைபெற்றது.

ஏராளமான திரையுலக பிரபலங்கள் மட்டுமின்றி தொழிலதிபர்
அனில் அம்பானி உள்ளிட்டோரும் இறுதிச் சடங்கில் பங்கேற்றனர்.
பின்னர் உடல் தகனம் செய்யப்பட்டது.

ஸ்ரீதேவியின் உடலுக்கு மகாராஷ்டிர மாநில அரசு மரியாதை
செய்யப்பட்டது. அதன்படி மூவர்ணக் கொடி உடலில் போர்த்தப்பட்டது.

மகாராஷ்டிர போலீஸார் துப்பாக்கி குண்டுகள் முழங்க ஸ்ரீதேவியின்
உடலுக்கு மரியாதை செலுத்தினர்.
-
-------------------------------
தி இந்து